Il-Kummissjoni Ewropea qalet li ċ-ċittadini tas-27 pajjiż Ewropew li jgħixu fir-Renju Unit u ċ-ċittadini Brittanniċi li jgħixu fil-pajjiżi tal-UE se jibqgħu bl-istess drittijiet sakemm ir-Renju Unit jkun għadu membru tal-UE. Il-Kummissjoni kienet qed twieġeb għat-tħassib dwar id-drittijiet tal-immigranti Ewropej wara l-Brexit. Dan wara li l-Ministru Ingliż David Davis qal li ma jistax jiggarantixxi drittijiet lill-immigranti Ewropej wara li pajjiżu jkun ħareġ mill-UE.
Ir-Renju Unit qed ibassar li l-immigrazzjoni se tiżdied wara li jitlaq mill-UE u għalhekk irid iżżomm id-dritt li jibgħat lura pajjiżhom lil ċertu immigranti Ewropej. Davis qal li r-Renju Unit se jinnegozja mal-pajjiżi tal-UE dwar immigranti Ewropej u dwar ċittadini Brittanniċi li jgħixu f’xi pajjiż tal-UE.
Il-Kummissjoni qalet li l-pożizzjoni tas-27 stat membru hija li ma jsiru l-ebda negozjati qabel ir-Renju Unit japplika Artiklu 50. Is-Segretarju tal-Kummerċ Brittanniku Liam Fox qal li r-Renju Unit se jagħmel dan qabel l-aħħar tas-sena bit-tir li pajjiżu jkun ħareġ formalment mill-UE fl-1 ta’ Jannar 2019. Is-sena 2019 hija s-sena li fiha jsiru l-elezzjonijiet tal-Parlament Ewropew u jibdew in-negozjati dwar il-qafas finanzjarju tal-ħames snin ta’ wara. Ir-Renju Unit beda jaħdem fuq ftehim ta’ kummerċ ħieles mal-Awstralja u l-Kanada. Se jsiru wkoll żjarat fl-Istati Uniti. Il-pajjiż qed jiffoka fuq madwar tnax-il ftehim ta’ kummerċ ħieles ma’ pajjiżi barra mill-UE biex meta r-Renju Unit joħroġ mill-UE jibqa’ jkollu kummerċ b’saħħtu.
SAJF TA’ BIŻA’
Read More
FRANZA TITLOB L-GĦAJNUNA TAL-EWROPA
Read More
IR-RENJU UNIT MA KIENX LEST GĦAL BREXIT
Read More
IŻOMMU D-DRITTIJIET TAGĦHOM SAKEMM IR-RENJU UNIT JIBQA’ FL-UE
Read More
IL-BANK ĊENTRALI EWROPEW MA JĊAĊLAQ XEJN
Read More
PROPOSTI GĦALL-INVESTIMENT FL-ISTATI MEMBRI TAL-UE
Read More
BIL-PIENA KAPITALI T-TURKIJA MA SSIRX MEMBRU TAL-UE
Read More
KAPITLI IMPORTANTI GĦAS-SĦUBIJA TAS-SERBJA
Read More
IMWISSIJA MA JFITTXUX MOSTRI FIL-BOSNJA
Read More
Post a comment