JAGĦTU DAQQA T’ID LIL GREĊJA

13-il stat membru tal-UE flimkien man-Norveġja qed joffru l-għajnuna u l-assistenza tagħhom lil Greċja, li bħalissa hija mifnija bil-problemi tal-immigranti li qed jaslu fil-pajjiż.  Dawn qed joffru affarijiet essenzjali li jammontaw għall-87,000 oġġett bħal kutri, mediċini, tined, sodod u saqqijiet.

Il-Lussemburgu qed joffri li jżid l-għajnuna tiegħu u se jipprovdi 30 generator, 750 saqqu, 300 siġġu, 1,000 jerry can, 5,000 imħadda u 500 bunkbed. L-Olanda offriet 12-il vann u 90 generator. Ir-Renju Unit qed tipprovdi 1, 000 tinda u Franza qed tipprovdi 3 kontejners ta’ affarijiet sanitarji u 5,000 jerry can.

L-Awstrija, Ġermanja, Spanja, Litwanja, Ungerija, Norveġja u Svezja mistennija jżidu l-għajnuniet tagħhom ukoll.

Il-Kummissjoni Ewropea rringrazzjat lil dawn l-istati membri imma qed titlob li jeħtieġ isir aktar minn hekk biex fil-Greċja u f’pajjiżi oħra milquta mill-kriżi tal-immigranti, tkun tista’ tingħata l-assistenza meħtieġa.

Minn Ġunju tal-2015, il-kriżi tal-immigrazzjoni ġiegħlet lill-Greċja, Kroazja, Ungerija, Slovenja u Serbja jitolbu l-għajnuna tal-UE. B’kollox ingħataw 780, 000 oġġett permezz tal- mekkaniżmu ta’ solidarjeta` tal-UE mal-istati membri. Il-Kummissjoni Ewropea tikkofinanzja l-ispejjeż tat-trasport.