JEKK JGĦADDI L-‘BREXIT’ MA JKUNX HEMM REFERENDUM IEĦOR

Il-Prim Ministru Ingliż David Cameron ma jaqbilx li jsir Referendum ieħor jekk il-poplu tar-Renju Unit jivvota biex joħroġ mill-Unjoni Ewopea. Dan intqal wara li dawk li jridu joħorġu lir-Renju Unit mill-UE kienu qed jgħidu li vot favur ‘BREXIT’ jista’ jżid il-pressjoni fuq l-Unjoni Ewropea biex tagħti aktar konċessjonijiet lir-Renju Unit. Fost dawn hemm is-Sindku ta’ Londra, Boris Johnson. Johnson qed jgħid li jekk il-maġġoranza fir-Renju Unit jivvotaw favur il-ħruġ mill-UE, jista’ jsir it-tieni referendum dwar forma ġdida ta’ relazzjonijiet bejn ir-Renju Unit u l-Unjoni Ewropea. Il-pressjoni biex ir-Renju Unit tibqa’ fl-UE qed tiżdied. F’kumment rari dwar politika barranija ta’ pajjiż ieħor, Il-Mexxej Ċiniż Xi Jinping qal lil David Cameron li jittama li r-Renju Unit jibqa’ fl-UE biex tagħti kontribut aktar pożittiv fir-relazzjonijiet bejn iċ-Ċina u l-UE.