“JIEN MALTI QABEL MA JIEN EWROPEW”

“Jiena Malti qabel ma jien Ewropew. Irridu nżommu qawwija l-fiduċja f’Malta – Malta tagħna, Malta li tiġi l-ewwel u qabel kollox. Fl-aħħar snin tqażżiżt nara kif sħabna hawnhekk  jimminaw l-isem ta’ Malta fil-Parlament  Ewropew. Dawn qed jipprovaw jimminaw l-isem ta’ Malta u allura hemm bżonn li nuru l-fiduċja tagħna f’Malta kull fejn inkunu.”

Din id-dikjarazzjoni importanti għamilha Alfred Sant waqt it-tnedija uffiċċjali tal-kampanja tal-Elezzjonijiet Ewropej.

Alfred Sant qal li rridu niżguraw li nkomplu nibnu l-fiduċja tagħna f’pajjiżna.

“Din se tkun l-aħħar elezzjoni li qed nieħu sehem fiha – u jaħti sieħbi (il-Prim Ministru) hawnhekk li qiegħed fiha din il-ħaġa – se nkun qed nagħmilha bit-tempesta kollha li naf nagħmel jien ukoll.” qal Alfred Sant.

Alfred Sant saħaq dwar l-importanza li kulħadd jivvota fl-elezzjonijiet Ewropej lill-kandidati Laburisti kollha biex insaħħu l-vuċi Laburista fl-Ewropa.