Ir-Repubblika Ċeka, ir-Rumanija u l-Ungerija imblokkaw dikjarazzjoni tal-UE li kienet tikkritika t-trasferiment tal-Ambaxxata Amerikana għal Ġerusalemm jumejn qabel seħħet l-inawgurazzjoni tal-Ambaxxata. L-istazzjon Televiżiv Iżraeljan Channel 10 qal li l-oġġezzjonijiet ta’ dawn it-tliet stati membri għenu lil Iżrael iwaqqaf l-istqarrija tal-UE. Din l-istqarrija kienet imressqa minn Franza u kienet maħsuba biex l-UE ikollha opinjoni komuni kontra d-deċiżjoni ta’ Washington.
Francesca Mogherini, kelliema tal-UE għall-Affarijiet Barranin qalet li l-UE għandha pożizzjoni ċara dwar Ġerusalemm, wara li suldati Iżraeljani qatlu aktar minn 50 Palestinjan li ħarġu jipprotestaw kontra l-inawgurazzjoni tal-Ambaxxata.
Mogherini kkwotat ir-Riżoluzzjoni tal-Kunsill tas-Sigurta` tal-Ġnus Magħquda tal-20 ta’ Awwissu 1980 li titlob l-istati jirtiraw il-missjonijiet diplomatiċi tagħhom minn Ġerusalemm sakemm tinstab soluzzjoni.
“Iżrael irid jirrispetta d-dritt ta’ protesti paċifiċi u l-prinċipju tal-proporzjonalita` fl-użu tal-forza. Il-Ħamas u dawk li qed imexxu d-dimostrazzjonijiet f’Gaża għandhom jiżguraw li ma jkunux vjolenti u ma jesplojtjawx il-protesti. Irridu naġixxu lkoll biex nevitaw aktar inkwiet.”
Ir-Rumanija diġa` qalet li se titrasferixxi l-Ambaxxata Rumena minn Tel Aviv lejn Ġerusalemm. Il-President Rumen Klaus Johannis qal li t-trasferiment tal-Ambaxxata ma jistax isir mingħajr il-kunsens tiegħu. Johannis qal li se jitlob lil Ministru tal-Affarijiet Barranin Teodor Melescanu biex jispjegalu għala opponew id-dikjarazzjoni tal-UE dwar Ġerusalemm.
F’Diċembru 2017 Donald Trump kien iddeċieda li jirrikonoxxi Ġerusalemm bħala l-Kapitali ta’ Iżrael u li jitrasferixxi l-Ambaxxata Amerikana minn Tel Aviv.
IR-RENJU UNIT IWISSI DWAR AKTAR ATTAKKI ATROĊI MILL-ISIS FL-EWROPA
Read More
MA JAQBLUX MAL-PROPOSTI TAL-KE DWAR IL-BAĠIT
Read More
TRID TAGĦTI GARANZIJA DWAR L-ISTAT TAD-DRITT SA ĠUNJU
Read More
JIMBLOKKAW DIKJARAZZJONI TAL-UE KONTRA L-AMBAXXATA AMERIKANA F’ĠERUSALEMM
Read More
TRASPORT EFFIĊJENTI ESSENZJALI GĦAT-TKABBIR U L-IŻVILUPP FL-EWROPA
Read More
ĊEKI JAQILGĦU TLIET DARBIET AKTAR FIL-ĠERMANJA
Read More
L-EBDA SINJAL MINN RUMA DWAR IR-REFUĠJATI FIT-TURKIJA
Read More
5.4 MILJUN IMMIGRANT TIFEL U TIFLA JGĦIXU FL-EWROPA
Read More
Post a comment