Ġiet approvata l-proposta li tbiddel ir-regoli tal-fruntieri tax-Schengen. Il-pjan hu li jibdew isiru kontrolli regolari fuq il-fruntieri, anki fuq iċ-ċittadini Ewropej. Sa issa l-kontrolli kienu jsiru fuq ċittadini ġejjin minn pajjiżi terzi. Din id-deċiżjoni ttieħdet wara l-attakki terroristiċi ta’ Pariġi tal-2015. Id-dokumenti tal-vjaġġaturi kollha jkunu ċċekkjati mad-‘data bases’ tal-pulizija Ewropea u tal-Interpol. L-għan hu li jinqabdu aktar malajr dawk in-nies li qed jaħbu l-identita` proprja tagħhom.
Ir-reviżjoni tar-regoli qed issir għal aktar sigurta` fl-Ewropa. Kif ukoll biex jinqabdu t-terroristi (li ħafna minnhom għandhom ċittadinanza Ewropea), l-immigranti irregolari, u t-traffikanti tal-persuni.
Il-proposta tisħaq għal aktar kontrolli intensivi fuq il-fruntieri esterni kollha tal-Unjoni Ewropea kemm bil-baħar, bl-ajru, u fuq l-art. Iżda jekk il-kontrolli joħolqu kjus kbar wisq, l-istat membru jista’ jagħżel li jwettaq kontrolli fuq fruntiera speċifika biss jekk jikkonkludi li bil-laxkezza tar-regoli mhux se jiżdiedu r-riskji għas-sigurta` interna. Taħt ir-regoli l-ġodda, iċ-ċittadini terzi kollha jridu jkunu ċċekkjati mad-‘data bases’ Ewropej qabel jitilqu l-Unjoni biex ikun żgurat li dawn mhumiex ta’ theddida għas-sigurta`. Issa jmiss li jsiru negozjati mal-Kunsill Ewropew biex jintlaħaq ftehim.
L-AĦĦAR ĊENA
Read MoreL-UE TRID TEVITA ŻEWĠ TENTAZZJONIJIET
Read MoreELEZZJONIJIET INKONKLUSSIVI FI SPANJA
Read MoreGĦODDA BIEX JOĦORĠU AKTAR PAJJIŻI MILL-UE
Read MoreJINBIDLU R-REGOLI TAL-FRUNTIERI TAX-SCHENGEN
Read More890, 000 RUĦ KISBU ĊITTADINANZA EWROPEA FL-2014
Read MoreDIFFIKULTAJIET GĦALL-BDIEWA EWROPEJ
Read MoreID-DESTIN TAL-GLYPHOSATE F’IDEJN IL-KUMMISSJONI
Read MoreJINBXU LIL XULXIN BL-INGLIŻ
Read More
Post a comment