Il-Kunsill Ewropew ħatar ħames membri tal-Qorti Ewropea tal-Awdituri, inkluż il-Pollakk Janis Wojciechowski li flimkien ma’ Toni Abela ma kienx ġie aċċettat mill-Kumitat tal-Parlament Ewropew. Il-ħatra tagħhom tibda mis-7 ta’ Mejju 2016 sas-6 ta’ Mejju 2022. Il-Kunsill ma qagħadx fuq l-opinjoni konsultattiva tal-Parlament Ewropew. Toni Abela kien stqarr li ma kienx aktar interessat f’din il-kariga wara li ma ġiex aċċettat mill-Kumitat tal-Parlament Ewropew. Il-persuni nominati li jkollhom vot negattiv fil-kumitat jew fil-plenarja, xorta jistgħu jintgħażlu jekk il-Kunsill tal-Ministri jiddeċiedi favur tagħhom.
Fil-Parlament Ewropew Alfred Sant faħħar l-integrita` politika ta’ Dr Toni Abela u kkritika l-mod kif sar l-iskrutinju ta’ Abela. “Ta’ sikwit jiġri, kif ġara fil-każ ta’ Dr Abela, li elementi anonimi jorganizzaw kampanja biex inaqqsu mill-valur tal-persuna nominata. Dan jagħmluh billi jallegaw aġir diżonorabbli jew kriminali. Dawk li jkollhom in-nomina jistgħu jiddefendu lilhom infushom f’laqgħat wiċċ imb’wiċċ mal-membri tal-kumitat u waqt is-smigħ tagħhom.”
Fil-każ ta’ Toni Abela, is-smigħ kien qasir. “L-allegazzjonijiet kontra tiegħu ma setgħux ikunu kjarifikati mija fil-mija. Kien jeħtieġ ukoll aktar diskussjoni fuq kwistjonijiet oħra. Dr Abela ma kienx trattat b’mod ġust. Jekk dan il-Parlament jixtieq li s-smigħ tan-nomini jsir bis-sens, għandu jikkonsidra kif qed jitwettqu. Meta jitqajmu allegazzjonijiet ta’ aġir kriminali jew diżonorabbli, dawn għandhom ikunu kkonsidrati separatament minn ġurija onorarja, bl-għajnuna ta’ kunsill legali, fuq il-bażi tal-fatti. Is-smigħ imbagħad ikun jista’ jikkonċentra fuq il-ħiliet politiċi, professjonali u personali tal-persuna nominata.” saħaq Dr Sant.
FRANZA THEDDED LI TIFFRIŻA N-NEGOZJATI TAT-TTIP
Read MoreTRID TĦALLAS BIEX MA TIĦUX IMMIGRANTI
Read MoreTKABBIR EKONOMIKU STABBLI FL-2016
Read MoreID-DEĊIŻJONIJIET EWROPEJ LI JAFFETTWAW LIL PAJJIŻNA
Read MoreJINĦATRU L-MEMBRI TAL-QORTI EWROPEA TAL-AWDITURI
Read MoreJIŻDIEDU L-IMPJIEGI
Read MorePRODOTTI PERIKOLUŻI : L-AKTAR MIĊ-ĊINA U ‘ONLINE’
Read MoreJONQSU D-DEJN U D-DEFIĊIT FL-EWROPA
Read MoreTIŻDIED L-ESPORTAZZJONI AGRARJA
Read More€70 BILJUN FIS-SENA FI SPEJJEŻ MINĦABBA L-OBESITA`
Read MoreSKONTIJIET GĦAL KULĦADD F’EURODISNEY
Read MoreMalta u l-Unjoni Ewropea NL39
Read More
Post a comment