L-Ewroparlamentari Malti Alfred Sant, rapporteur għal grupp tal-S&D, ippreżenta rapport dwar investimenti ġodda fi ħdan l-Unjoni waqt laqgħa tal-Kumitat Ekonomiku u Monetarju tal-Parlament Ewropew (ECON). Ir-rapport bl-isem “Is-Semestru Ewropew għal koordinazzjoni tal-politika ekonomika: implimentazzjoni tal-prijoritajiet għas-sena 2016” jiġi addottat fl-ECON fil-11 ta’ Ottubru u wara jitressaq għall-approvazzjoni fil-Plenarja tal-Parlament Ewropew. Attendew rappreżentanti tal-parlamenti nazzjonali fosthom Charles Mangion (PL) u Claudio Grech (PN) f’isem il-Parlament Malti u indirizzaw lill-kumitat dwar l-investimenti fl-UE.
Dr Sant introduċa d-diskussjoni billi ffoka fuq l-implimentazzjoni u d-diffikultajiet li jiltaqgħu magħhom l-istati membri biex iwettqu r-rakkomandazzjonijiet li tagħtihom il-Kummissjoni. Tkellem dwar ir-rwol tal-Parlamenti Nazzjonali biex jassumu rwol aktar validu u assertiv fil-konsiderazzjonijiet tar-rapporti nazzjonali, kemm fuq livell Ewropew u kif ukoll fuq livell nazzjonali biex jippreżentawhom lill-votanti daqs li kieku kienu tagħhom.
Skont l-analiżi tal-Kummissjoni, il-proporzjon ta’ kemm qed ikunu implimentati r-rakkomandazzjonijiet li tagħti l-Kummissjoni lil kull pajjiż (CSRs) naqas b’aktar bin-nofs għas-semestri ta’ bejn l-2012 u l-2015. Fl-istess ħin, il-parti tar-rakkomandazzjonijiet li fuqhom ma jsir kważi l-ebda progress żdiedet għal kważi 30% fl-2012 għal aktar minn 50% fl-2015.
Dr Sant qal li l-Kummissjoni Ewropea naqqset is-CSRs fl-2016 – l-istess bħal kif għamlet fis-sena ta’ qabel – biex tikkonċentra aħjar fuq l-isfidi l-aktar urġenti tal-pajjiżi, u biex iżżid s-sehem nazzjonali tas-CSRs.
“Id-diverġenzi soċjali u ekonomiċi saru sfida kbira u jistgħu joħolqu riperkussjonijiet fuq l-għaqda Ewropea. Kif se jaffettwaw dawn id-diverġenzi fl-isfond li niżguraw li l-Patt ta’ Stabilita` u Tkabbir Ekonomiku ma jinkiser qatt? F’dan kollu, kif nistgħu nikkoreġu d-diverġenzi ekonomiċi u soċjali li dejjem qed jikbru bejn partijiet differenti tal-UE?” staqsa Dr Sant.
Tista’ ssegwi d-diskors ta’ Dr Sant fuq dan il-link:
https://www.youtube.com/watch?v=_kJsb7Mf_ZI
GĦAJNEJN L-EWROPA FUQ L-UNGERIJA
Read More
FRANZA U L-ĠERMANJA FAVUR DIFIŻA KOMUNI
Read More
JIPPREŻENTA RAPPORT DWAR INVESTIMENTI ĠODDA FL-UE
Read More
DISKUSS IL-KUMMERĊ BEJN IL-ĠAPPUN U L-UE
Read More
BDIEWA GĦAWDXIN IRIDU JIPPENETRAW IS-SWIEQ EWROPEJ
Read More
IRIDU AKTAR OPPORTUNITAJIET TA’ XOGĦOL F’GĦAWDEX
Read More
200 SENA ILU IVVINTAW L-ISTETOSKOPJU
Read More
Post a comment