Il-Parlament Ewropew qed jinvestiga partit ġdid b’membri tal-lemin estrem minn pajjiżi Ewropej biex jistħarreġ hux konformi mal-prinċipji fundamentali tal-UE. L-investigazzjoni tniedet ftit tal-jiem ilu fil-konferenza tal-presidenti tal-Parlament Ewropew, li hi magħmula mill-President tal-Parlament Ewropew u mill-mexxejja tal-partiti politiċi kollha tal-Parlament Ewropew. Dan il-partit ġdid bl-isem ta’ Alleanza għal Paċi u l-Liberta` (APF) jħaddan fih membri tal-lemin estrem minn pajjiżi differenti bħal PND tal-Ġermanja, il-partit Grieg Golden Dawn u l-Party of the Danes.
Kif jitolbu r-regolamenti, il-Partit ġab tal-inqas kwart tal-voti tal-Membri Parlamentari Ewropej minn erba’ gruppi politiċi differenti. Kumitat imwaqqaf mill-Parlament se jivverifika li l-partit jimxi skont il-prinċipji tal-UE, l-aktar dawk tal-liberta`, id-demokrazija u r-rispett tad-drittijiet umani.
Biex jagħmel dan, il-kumitat tal-affarijiet kostituzzjonali se jisma’ rappreżentanti tal-APF u se jikseb l-opinjoni ta’ persuni indipendenti. Imbagħad se jħejji proposta għall-Parlament Ewropew biex fuqha jittieħed qbil dwar l-APF. Jekk l-APF taqbel mal-kriterji Ewropej tkun rikonoxxuta bħala partit politiku Ewropew u tibda tirċievi l-fondi mill-Parlament. Jekk il-proposta ma tiksibx il-maġġoranza tal-voti, il-Partit ma jiġix rikonoxxut u mhux se jkun hemm lok għal emendi.
Din l-investigazzjoni qed issir waqt li l-kriżi tal-immigrazzjoni għadha qed timbutta eluf ta’ ċittadini anzjużi b’dal-fenomenu lejn il-partiti tal-lemin. Dan is-sentiment qed jidher sew fl-Awstrija, fil-Ġermanja, fir-Renju Unit, fi Franza, fid-Danimarka u fl-Ungerija. In-nuqqas ta’ rieda politika biex tkun indirizzata l-kriżi tal-immigrazzjoni, in-nuqqas ta’ tkabbir ekonomiku u problemi oħra fiż-żona ewro qed ikomplu jgħinu biex aktar nies jitbegħdu mill-partiti politiċi tradizzjonali u jfittxu l-vuċi tagħhom f’partiti oħrajn li qegħdin jisfruttaw dawn in-nuqqasijiet biex imexxu ’l quddiem l-aġenda politika tagħhom.
JITBEGĦDU MILL-PARTITI POLITIĊI TRADIZZJONALI
Read MoreJIKBER ID-DEJN PUBBLIKU FIL-GREĊJA
Read MoreĦAFNA ANQAS IMMIGRANTI FIL-GŻEJJER GRIEGI
Read MoreEUROPOL IMSAĦĦA B’REGOLI ĠODDA
Read MoreL-ITALJA NEFQET €6 BILJUN FUQ L-IMMIGRANTI F’SENTEJN
Read MorePROSPETTI TAJBIN GĦALL-FTEHIM KUMMERĊJALI BEJN L-UE U Ċ-ĊINA
Read MoreL-EKONOMIJI Ż-ŻGĦAR GĦANDHOM JIDDEĊIEDU HUMA T-TASSAZZJONI TAGĦHOM
Read MoreWIEĦED MINN KULL ĦAMSA JMUT B’ATTAKK TAL-QALB
Read More
Post a comment