JIŻDIEDU L-IMPJIEGI

Il-persentaġġ ta’ nies li qed jaħdmu fl-Ewropa ta’ eta` bejn l-20 u 64 sena huwa ta’ 70%. Din ir-rata turi żieda fl-impjiegi fuq l-2014. L-UE għandha l-mira li sal-2020 il-persentaġġ tan-nies fid-dinja tax-xogħol ikun ta’ 75%. Fil-preżent, sitt stati membri diġa` kisbu din il-mira (Svezja, Ġermanja, Renju Unit, Danimarka, Estonja u l-Olanda). Iż-żieda fir-rata tan-nies li jaħdmu kienet affettwata minn ħaddiema ta’ eta` bejn il-55 u l-64 sena. Ħaddiema li qegħdin f’dan l-age group qed isiru aktar attivi fis-suq tax-xogħol (53.3% fl-2015 komparat ma’ 38.4% fl-2002. Fl-2015, kien hemm 75.9% tal-irġiel jaħdmu u 64.3% tan-nisa jaħdmu. Ir-rata tan-nies fid-dinja tax-xogħol fl-2015 kienet biss ftit inqas mir-rata li l-Ewropa kellha fl-2008, eżatt qabel il-kriżi.