JONQSU D-DEJN U D-DEFIĊIT FL-EWROPA

Id-defiċit pubbliku kkomparat mal-Prodott Gross Domestiku (PDG) fiż-żona ewro naqas minn 2.6% fl-2014 għal 2.1% fl-2015, u fl-Unjoni Ewropea kollha naqas minn 3.0% għal 2.4%.

Id-dejn pubbliku kkomparat mal-PGD taż-żona ewro naqas minn 92.0% fl-2014 għal 90.7% fl-2015. Fl-Unjoni Ewropea kollha minn 86.8% naqas għal 85.2%.

Bejn stat u ieħor kien hemm varjazzjonijiet konsiderevoli. Il-Lussemburgu (+1.2%), il-Ġermanja (+0.7%) u l-Estonja (+0.4%) kienu l-uniku pajjiżi li kisbu bilanċ favorevoli fil-baġits tagħhom.

Fi tmiem l-2015 il-pajjiżi li rreġistraw l-inqas rata ta’ dejn pubbliku kkomparat mal-PGD kienu l-Estonja (9.7%), il-Lussemburgu (21.4%), il-Bulgarija (26.7%), il-Latvja (36.4%) u r-Rumanija (38.4%). 17-il stat irreġistraw rata ta’ dejn pubbliku ta’ aktar minn 60% tal-PGD. Ewlenin fosthom il-Greċja (176.9%), l-Italja (132.7%), il-Portugall (129.0%), Ċipru (108.9%) u l-Belġju (106.0%).