KONTRA L-ARRESTI POLITIĊI FIT-TURKIJA

Il-kelliem għall-Politika Ewropea tal-Viċinat u Tkabbir, Maja Kocijancic, tkellmet kontra l-arresti suċċessivi tad-difensuri tad-drittijiet tal-bniedem fit-Turkija.

Ir-rappreżentanta Għolja tal-UE għall-Affarijiet Barranin u l-Politika ta’ Sigurtà Federica Mogherini, il-Kummissarju Ewropew għal Negozjati għat-Tkabbir Johannes Hahn u diversi gruppi ta’ MEPs kollha esprimew it-tħassib tagħhom dwar din il-kwistjoni. Kocijancic  enfasizzat il-ħtieġa għal “titjib konkret u sostenibbli” fl-istat tad-dritt, l-indipendenza tal-ġudikatura u l-libertajiet fundamentali biex jitjiebu r-relazzjonijiet bejn l-Unjoni Ewropea u t-Turkija.

Taner Kılıҫ, kap ta’ Amnesty International u difensuri oħra tad-drittijiet tal-bniedem, kif ukoll ġurnalisti, parlamentari u imħallfin ilhom kważi sena li ġew arrestati fit-Turkija wara l-attentat kolp ta’ stat tal-15 ta’ Lulju 2016.