KONTRA L-IFFINANZJAR TA’ MILIZJI MILITARI FIL-LIBJA

Il-Banek Ċentrali tal-istati membri tal-UE għandhom ikunu sorveljati biex ma jintefqux flus fuq traffikar ta’ żejt, traffikar ta’ nies u biex ma jintużawx flus fuq l-iffinanzjar  ta’ milizji jew ġlied politiku jew militari fil-Libja.  Dan qalitu Francesca Mogherini f’laqgħa tal-Ministri tal-Affarijiet Barranin fil-Lussemburgu.

Il-Ministri ddiskutew it-tisħiħ tal-waqfien mill-ġlied u l-implimentazzjoni ta’ miżuri tas-sigurta`.

Mogherini qalet li fil-ġimgħat u x-xhur li ġejjin l-UE se tappoġġa l-proċess politiku fil-Libja. Saħqet li l-elezzjonijiet fl-Libja għandhom isiru malajr kemm jista’ jkun. Dan għandu jsir f’qafas legali ta’ xhiex se jivvotaw dwaru l-Libjani, saħqet Mogherini.

L-elezzjonijiet kienu mistennija jsiru fl-10 ta’ Diċembru, iżda l-eskalazzjoni tal-vjolenza fil-Libja mistennija tipposponi l-elezzjonijiet għal data oħra.

L-Italja u Franza mhux jaqblu dwar is-sitwazzjoni fil-Libja. Iżda Mogherini qalet li t-28 stat tal-UE huma magħqudin dwar il-Libja u li qed jappoġġjaw Konferenza f’Palermo f’nofs Novembru.