KONTRA T-TRAFFIKAR TAL-ANNIMALI DOMESTIĊI

Il-Parlament Ewropew se jiddiskuti miżuri kontra t-traffikar tal-annimali domestiċi, billi tiddaħħal l-identifikazzjoni u r-reġistrazzjoni tal-klieb u l-qtates. Riżoluzzjoni li se tkun diskussa fis-sessjoni Plenarja ta’ Strasburgu f’Settembru titlob lill-Kummissjoni toħroġ bi proposta dettaljata u metodu ta’ identifikar u reġistrazzjoni permezz ta’ databases fl-Istati Membri li jkunu marbuta ma’ platform Ewropew.

It-traffikar tal-annimali domestiċi jista’ jonqos billi jitjieb l-infurzar tal-liġi u jiħraxu l-penali kontra l-operaturi ekonomiċi, il-veterinarji u s-servizzi nazzjonali pubbliċi li jużaw jew jaċċettaw passaporti foloz għall-annimali – kemm fil-pajjiżi li minnhom ikunu ġejjin l-annimali u kemm fil-pajjiżi ta’ transitu u fil-pajjiżi li fihom ikunu se jibqgħu l-annimali domestiċi .