Il-Parlament Brittaniku ippreżenta leġiżlazzjoni li twassal biex il-pajjiż jerġa’ jikseb lura is-sovranita` tal-ibħra tiegħu. Ir-Renju Unit kien diġa` wera d-direzzjoni li se jieħu fil-‘White Paper; li ppreżenta f’Lulju li invokat il-kontroll fuq l-ibħra Brittaniċi u opportunitajiet ġusti fil-qasam tas-sajd.
“Għall-ewwel darba mill-1973 ’l hawn, il-liġi dwar is-sajd se tagħti lir-Renju Unit kontroll dwar min jista’ jistad fl-ibħra tagħna u taħt liema kundizzjonijiet”, qal il-Gvern Ingliż.
L-abbozz ta’ liġi jagħti d-dritt lil pajjiż jimplimenta ftehimijiet ġodda mal-UE u ma’ stati kostali oħra u jagħti lok għal tmexxija tas-sajd effettiva u sostenibbli.
Il-ħruġ tar-Renju Unit mill-UE se jtemm id-dritt awtomatiku ta’ bastimenti oħra Ewropej li jistadu fl-ibħra Brittaniċi. Fil-futur, ir-Renju Unit “jinnegozja aċċess għar-riżorsi tal-ħut fl-ibħra tiegħu u jiddeċiedi hu taħt liema kundizzjonijiet isiru”, bil-bastimenti jkunu jridu jikkonformaw mar-regoli Brittaniċi, qalet il-Gvern Ingliża.
Ir-Renju Unit se jkun jista’ jiddeċiedi hu dwar il-kwoti tas-sajd tiegħu u l-ġranet fuq il-baħar, li se jkunu innegozjati bħala stat kostali indipendenti.
Ir-Renju Unit wissa li għalkemm ħadd ma jaf x’se jkun ir-riżultat tan-negozjati tal-Brexit, il-kwistjoni tas-sajd hija separata mill-kwistjoni tal-aċċess għas-suq tal-prodotti tal-ħut. Min-naħa l-oħra iżda, l-UE tixtieq li ż-żewġ oqsma jittieħdu flimkien biex tikseb kwoti tas-sajd fl-ibħra Brittaniċi bi skambju li jitħallew jiddaħħlu l-prodotti tal-ħut Brittaniċi fis-suq Ewropew.
92% tas-sajjieda ivvotaw favur il-Brexit bi protesta għal kwoti tal-UE fir-referendum tal-2016.
MAĠĠORANZA KWALIFIKATA DWAR IT-TASSAZZJONI
Read More
IĊ-ĊEKI JRIDU JKEĊĊU L-IMMIGRANTI ‘ILLEGALI’
Read More
PROPOSTI TA’ ALFRED SANT DWAR GŻEJJER TAL-UE APPROVATI MILL-PARLAMENT EWROPEW
Read More
IL-BELĠJU JIPPREFERI AJRUPLANI TAL-ĠLIED AMERIKANI
Read More
PROĊEDURI POLITIĊIZZATI FUQ KSUR TAL-VALURI FUNDAMENTALI
Read More
KONTROLL TAL-IBĦRA BRITTANIĊI
Read More
JINSISTI GĦAL INVESTIGAZZJONI DWAR IR-REGOLI TAL-BAGALJI TAR-RYANAIR
Read More
L-EBDA LOGĦOB TAL-AZZARD FL-ALBANIJA
Read More
Post a comment