L-Ewropa aljenata wisq bi kriżijiet oħra biex tħaddem pjan ta’ għajnuna simili għall-Marshall Plan għall-pajjiżi Afrikani, pjan li fih l-aġenziji pubbliċi jmexxu direttament u mhux jiddelegaw inizjattivi lis-settur privat, jew jistennew lilhom biex jidħlu għalihom. Dan qalu Dr Alfred Sant, Kap tad-Delegazzjoni Laburista fil-Parlament Ewropew fi Strasburgu, waqt dibattitu dwar l-eżitu tal-Valletta Summit u s-Summit tal-G20.
‘Jekk irridu nkunu onesti, min-naħa Ewropea l-Valletta Summit kien immotivat mill-ħtieġa li jkun hemm kontroll fuq il-mewġ irregolari tal-immigrazzjoni ekonomika lejn l-Ewropa. Madanakollu qanqlet dak li missu jkun djalogu effettiv fejn l-Afrika u l-Ewropa jtejbu l-qagħda ekonomika u soċjali ta’ xulxin.’ Qal Dr Sant.
Dr Sant qal li l-globalizzazzjoni neo-liberali hija xkiel biex dan iseħħ. Proprjament, l-Unjoni Ewropea ma għandhiex l-għodda li bihom tiġġenera biżżejjed opportunitajiet ta’ xogħol fl-Afrika, li permezz tagħhom l-immigrazzjoni ekonomika ma tibqax attraenti. Agħar minnhekk, ħafna proġetti privati fl-Afrika inħakmu mill-globalizzazzjoni u ma swewx biex jiżdiedu l-opportunitajiet ta’ xogħol fl-ekonomija b’mod ġenerali. Il-korruzzjoni, il-ħela tar-riżorsi u l-inugwaljanzi soċjali nfirxu aktar u dawn iqanqlu nies iddisprati biex jitilqu ’l bogħod minn darhom biex isibu xogħol.
Dr. Sant qal li l-iżvilupp fl-Afrika ma jridx ikun maħkum minn forzi u swieq ħielsa u globali. Minflok għandu jkun ippjanat sewwa u implimentat b’mod effettiv. Dr Sant qal li ħafna ideat u interessi li huma aċċettati, jeħtieġ li jinbidlu.
‘Nispera li l-Valletta summit serva ta’ tarġa li twassal lejn dan il-proċess twil ħafna.’ Qal Dr Sant.
Segwi l-intervent ta’ Dr Sant
https://www.youtube.com/watch?v=M_rGMfDHAes
Malta u l-Unjoni Ewropea NL28
Read More
L-IMMIGRAZZJONI TIBQA’ L-IKBAR UĠIGĦ TA’ RAS
Read More
MIŻURI ĠODDA KONTRA T-TERRORIŻMU
Read More
FRANZA TFITTEX IS-SOLIDARJETÀ TAL-ISTATI MEMBRI TAL-UE
Read More
NEFQA TA’ €600 MILJUN AKTAR GĦAL FRANZA
Read More
L-AFRIKA GĦANDHA BŻONN ‘MARSHALL PLAN’
Read More
€150 MILJUN GĦAL PROĠETTI FL-AFRIKA
Read More
IL-GRIEGI U T-TOROK IMĦASSBA DWAR IL-FRUNTIERI
Read More
IS-SITT MEPS MALTIN KONTRA L-PROPOSTI ĠODDA TAT-TAXXI TAL-UE
Read More
L-INTRAPRIŻI ŻGĦAR U MEDJI : IS-SINSLA TAL-EKONOMIJA TAL-UE
Read More
IT-TURKIJA WARA L-BIEB
Read More
L-ESKLUŻJONI TAN-NISA XXEKKEL L-IŻVILUPP TAS-SOĊJETA’
Read More
IL-FONDI GĦALL-IŻVILUPP REĠJONALI
Read More
L-EFFETTI TAL-AGRIKOLTURA
Read More
Post a comment