L-AJRUPORTI FAVUR IX-XENGEN

L-Għaqda tal-Ajruporti Internazzjonali qed turi t-tħassib tagħha dwar il-kontrolli li qed jiddaħħlu fil-fruntieri interni fiż-żona Xengen. Tixtieq li l-moviment ħieles u ż-żona Xengen jibqgħu kif inhuma. Qed tisħaq ukoll biex tiżdied l-għajnuna finanzjarja lil ajruporti. Dan għaliex jekk jiddaħħlu l-kontrolli fil-fruntieri bejn l-istati membri, jkun hemm bżonn ta’ ristrutturar fl-ajruporti. Dan ir-ristrutturar faċilment ilaħħaq il-miljuni tal-ewro għall-ajruporti l-kbar fix-Xengen. Il-Kunsill qed jgħid li fl-ajruporti tiżdied il-konġestjoni, il-passiġġieri jkollhom jistennew aktar filwaqt li l-konnettivita` tonqos mil-livelli attwali. L-impatt ma jkunx fuq l-ajruporti imma wkoll fuq it-turiżmu u fuq l-ekonomija b’mod ġenerali.

L-ajruporti  qed jisħqu biex jissaħħu l-fruntieri esterni tal-UE malajr kemm jista’ jkun. Reviżjoni tax-Xengen tfisser aktar kontrolli u allura aktar spejjeż. Għalhekk it-talba għal aktar għajnuna finanzjarja.