Emmanuel Macron diġa` beda jitlef mill-popolarita`. Wara biss tliet xhur fit-tmun tal-pajjiż qed inaqqas mill-fiduċja qalb l-ansjeta` li qed iqanqal il-baġit li ġej. Macron xorta għadu popolari aktar mill-mexxejja li ġew qablu – Mitterand, Hollande u Sarkozy fl-istess żmien fit-tmexxija.
Il-popolarita` ta’ Macron niżlet bi tmintax-il punt ta’ persentaġġ fost dawk taċ-ċivil, 11-il punt fost il-faxxa ta’ nies li qabżu l-65 sena minħabba tħassib dwar tnaqqis fil-pensjonijiet u niżel 25 punt fost dawk li jappoġġjaw il-partit taċ-ċentru MoDem, li l-mexxejja tiegħu ħallew lil gvern ix-xahar li għadda fost skandli fil-Parlament Ewropew.
Il-pjan ta’ Macron huwa li jnaqqas id-defiċit tal-pajjiż. It-tnaqqis tal-baġit f’Settembru f’diversi oqsma fis-settur pubbliku u pjanijiet biex jinbidlu r-regoli tas-suq tax-xogħol aktarx jaqilgħu protesti fil-pajjiż. Il-protesti se jkunu mmexxija mill-avversarju ta’ Macron – il-mexxej xellugi u membru parlamentari Jean-Luc Mélenchon.
Macron lest jgħaġġel bil-pjanijiet tiegħu ta’ tnaqqis fil-baġit u riformi biex ma jinqabadx f’xhur ta’ protesti. Jekk il-garr tal-lum jissarraf fi protesti għada, anki l-‘alla Ġove’ – kif inhu magħruf Macron fil-ġurnali satiriċi, jkollu jirrevedi l-metodu ta’ tmexxija tiegħu.
L-‘ALLA ĠOVE’ DIĠA` BEDA JITLEF MILL-POPOLARITA`
Read MoreXEJRIET DIFFERENTI DWAR L-EWRO FIL-LVANT U FIL-PUNENT TAL-EWROPA
Read MoreAZZJONIJIET KONTRA L-UNGERIJA, IL-POLONJA U R-REPUBBLIKA ĊEKA FUQ L-IMMIGRAZZJONI
Read MoreJAQBLU DWAR KOOPERAZZJONI FIL-MEDITERRAN ĊENTRALI
Read MoreIL-KUMMISSJONI EWROPEA SE TILTAQA’ MAL-PAJJIŻI TAL-VISEGRAD
Read MoreSITT PAJJIŻI TAL-BALKANI JAQBLU DWAR ŻONA EKONOMIKA REĠJONALI
Read MoreDISKUSSI OSTAKLI GĦAL ŻONI REMOTI FL-UE
Read MoreSARAJEVO TĦEJJI GĦAD-DĦUL FL-UE
Read More
Post a comment