Il-Kummissjoni Ewropea żiedet l-Arabja Sawdija fil-lista s-sewda minħabba r-rifjut tagħha li twaqqaf il-finanzjament tat-terroriżmu u l-ħasil tal-flus. Entitajiet Ewropej li jsellfu l-flus jeħtieġu jagħmlu aktar kontrolli bir-reqqa qabel iwettqu pagamenti lil entitajiet f’dan il-pajjiż.
Minbarra l-Arabja Sawdija fil-lista s-sewda tal-UE insibu 23 pajjiż rinomati għal ħasil ta’ flus – Panama, Niġerja, Libja, Botwana, Ghana, Samoa, Bahamas, American Samoa, US Virgin Islands, Puerto Rico, Guam, Afghanistan, North Korea, Ethiopia, Iran, Iraq, Pakistan, Sri Lanka, Sirja, Trinidad u Tobago, Tuniżija, u Yemen.
Il-lista s-sewda tinkludi pajjiżi u nħawi fid-dinja mhux biss ħatja ta’ kontrolli laxki fil-ħasil tal-flus u l-finanzjament tat-terroriżmu, imma wkoll ta’ nħawi li jirrifjutaw li jikkooperaw mal-UE fuq kwistjonijiet ta’ trasparenza dwar min huma s-sidien ta’ kumpaniji u trusts.
It-28 stat Ewropew għandhom xahar biex jendorsjaw il-lista l-ġdida li tinkludi l-Arabja Sawdija. Ir-Renju Unit diġa` qed toġġezzjona li dan il-pajjiż tniżżel fil-lista.
L-Arabja Sawdija huwa suq ewlieni għal entitajiet tar-Renju Unit li jsellfu l-flus – bħal Royal Bank of Scotland u HSBC.
“Pajjiżna impenjat fil-ġlieda kontra l-ħasil ta’ flus u l-finanzjament tat-terroriżmu u se nkomplu ntejbu l-qafas leġiżlattiv biex niksbu l-għan tagħna.” qal il-Ministru tal-Finanzi tal-Arabja Sawdija Mohammed al-Jadaan.
Il-Kummissarju Vera Jourova qalet li l-Kummissjoni qed tifli bir-reqqa pajjiżi oħra li jinkludu r-Russja, Londra u l-Ażerbajġan.
NIDDEFENDU LIŻ-ŻGĦIR FIL-PARLAMENT EWROPEW
Read More
L-ISTATI UNITI U L-EWROPA MA JAQBLUX DWAR L-IRAN
Read More
NEGOZJU TAŻ-ŻEJT BL-EWRO
Read More
ELEZZJONI QABEL IŻ-ŻMIEN GĦAL SPANJA
Read More
IL-ĦIDMA AGRARJA JIXIRQILHA KULL APPOĠĠ
Read More
IL-QGĦAD FI FRANZA JMISS IL-QIEGĦ
Read More
DAQSHEKK PRODUZZJONI TAL-AIRBUS
Read More
L-ARABJA SAWDIJA FIL-LISTA S-SEWDA
Read More
Post a comment