L-Awstrija ħadet passi legali fil-Qorti tal-Ġustizzja Ewropea kontra l-UE għax tat permess lill-Ungerija tkabbar impjant nukleari f’Budapest. L-espansjoni se ssir permezz ta’ self mir-Russja ta’ €10 biljuni.
Dan huwa l-uniku impjant nukleari li għandha l-Ungerija u jissupplixxi 40% tal-elettriku f’dan il-pajjiż ġirien mal-Awstrija.
“L-enerġija nukleari ma għandhiex ikollha post fl-Ewropa. Mhux se niċċaqalqu minn din il-pożizzjoni, l-anqas b’ċentimetru,” qalet il-Ministru tas-Sostenibilita` Awstrijaka Elisabeth Koestinger.
Fid-deċiżjoni tagħha l-Kummissjoni Ewropea qalet li dan il-proġett jimxi mar-regoli Ewropej tal-għajnuna tal-istat. L-Awstrija ma taqbilx.
L-Impjant nukleari tal-Ungerija nbena fis-snin tmenin tas-seklu l-ieħor b’teknoloġija Sovjetika. Il-bini ta’ żewġ reatturi ġodda jagħmel parti minn ftehim bejn il-Prim Ministru Ungeriż Victor Orban u l-alleat tiegħu Russu l-President Vladimir Putin. Ix-xogħol li se jsir mill-aġenzija tal-istat Russa Rosatom jirdoppja l-kapaċita` tal-impjant biex jiġġenera l-enerġija.
Kritiċi tal-Gvern Ungeriż jgħidu li r-Russja ngħatat il-kuntratt mingħajr ħruġ ta’ tender miftuħ. Fl-2015 il-parlament Ungeriż ivvota biex iżomm il-ftehim sigriet għal tletin sena, b’kelliema għal gvern Ungeriż jgħidu li dan huwa fl-interess tas-sigurta` nazzjonali u bil-kritiċi jgħidu li dan sar biex tinħeba l-korruzzjoni.
L-Awstrija ilha mis-snin sebgħin kontra n-nukleari meta b’vot qawwi l-popolazzjoni Awstrijaka għażlet li twaqqaf l-unika impjant nukleari fl-Awstrija milli jopera.
Fl-2015 l-Awstrija wkoll ilmentat kontra l-għajnuna tal-istat li ngħata impjant nukleari fir-Renju Unit u argumentat li l-enerġija atomika mhix sostenibbli u ġġorr riskju kbir.
MALTA M’GĦANDHIEX IĠĠORR PIŻIJIET ŻEJDA TAL-POLITIKA TAD-DIFIŻA TAL-UE
Read More
LEJN GWERRA KUMMERĊJALI
Read More
IL-PARLAMENT EWROPEW IĦADDAN IL-BIDLA F’GĦAWDEX
Read More
€150 MILJUN GĦAR-RITORN TAL-IMMIGRANTI
Read More
MITEJN SENA BIEX L-ISTATI BALKANI JLAĦĦQU MAL-UE
Read More
L-AWSTRIJA KONTRA IMPJANT NUKLEARI F’BUDAPEST
Read More
PROPOSTI ĠODDA DWAR TASSAZZJONI FL-UE PERIKOLUŻI GĦAL MALTA
Read More
470, 000 PERSUNA FIS-SENA BIL-KANĊER TAL-MUSRANA L-KBIRA FL-EWROPA
Read More
Post a comment