L-EFFETTI TAL-AGRIKOLTURA

L-agrikoltura waslet fl-Ewropa madwar 8, 500 sena ilu. Permezz tagħha, il-bnedmin ta’ dak iż-żmien bidlu l-mod ta’ għixien tagħhom u l-mod kif jieklu. Dan wassal biex inbidel ukoll id-DNA tal-Ewropej, bidla li għadha magħna sal-lum. Riċerkaturi li analizzaw 230 bniedem li għexu bejn 3,000 u 8, 500 sena ilu sabu li seħħ tibdil fid-DNA minħabba l-effett tal-agrikoltura. Kien proprju f’dan iż-żmien fejn seħħet selezzjoni naturali fil-‘genes’. Fosthom kif il-popli Ewropej tan-Nord kienu u għadhom twal u kif il-popli Ewropej tas-Sud bdew jiqsaru wara l-wasla tal-agrikoltura. Il-qosor fid-DNA tagħna wiritnih mill-popolazzjonijiet Neolitiċi.

Mal-wasla tal-agrikoltura l-Ewropej evolvew karnaġjon aktar ċara, għaliex ġilda ċara tassorbi aktar il-Vitamina D mix-xemx. Il-kaċċaturi preisotriċi li għexu qabel il-wasla tal-agrikoltura ma kellhomx bżonn ġilda aktar ċara għax kellhom biżżejjed Vitamina D permezz tal-laħam li kienu jieklu. Kien proprju fl-istess perijodu li l-ewropej adulti bdew jiddiġerixxu l-‘lactose’ jiġifieri li l-ġisem tal-bniedem beda jidhra jixrob il-ħalib anki ta’ adult.