Fil-Ġermanja l-proċess għal formazzjoni ta’ koalizzjoni jaf jieħu x-xhur. Il-partiti ż-żgħar li magħhom se jkollha taħdem Angela Merkel għandhom ideat differenti dwar it-tmexxija taż-żona ewro, l-integrazzjoni fi ħdan l-UE u dwar il-politika ta’ difiża u dik ambjentali. Il-pjanijiet Ewropej tal-futur diġa` qed isibu l-ewwel intoppi. Il-qawmien tal-lemin estrem fil-Ġermanja u t-tnaqqis sostanzjali ta’ appoġġ elettorali għas-Soċjalisti Demokratiċi (SPD) u għad-Demokristjani ta’ Merkel (CDU) qegħdin fuq l-aġenda politika fl-Ewropa.
Angela Merkel kisbet rebħa ‘morra’ minkejja li CDU rebaħ maġġoranza ta’ voti (33%) għar-raba’ darba konsekuttiva. Merkel tilfet ħafna mill-appoġġ mill-aħħar elezzjoni tal-2013. Issa għaliha beda uġigħ ta’ ras ġdid, dak li tifforma koalizzjoni ma’ partiti oħra biex tkun tista’ tiggverna.
Il-Partit tas-Soċjalisti u Demokratiċi, għalkemm baqa’ t-tieni l-akbar partit fil-Ġermanja, ġab 20.5% tal-voti – l-agħar riżultat li qatt kiseb dan il-partit minn wara t-tieni gwerra dinjija lil hawn. Is-Soċjalisti diġa` qalu lil Merkel li mhux se jagħmlu koalizzjoni mal-partit tagħha. Dan għaliex fil-leġiżlatura li għaddiet b’koalizzjoni mal-partit ta’ Merkel tilfu l-identita` tagħhom u wasslu biex tilfu ħafna appoġġ mill-votanti.
Il-Partit tal-lemin estrem (AfD) sar it-tielet l-akbar partit fil-Ġermanja (12.6% tal-voti) u daħal fil-Bundestag, post li minn wara l-gwerra ’l hawn qatt ma rifes fih.
Il-President tal-Kummissjoni Ewropea Jean Claude Juncker qal li l-Ewropa teħtieġ Ġermanja b’saħħitha biex tfassal il-futur tal-kontinent Ewropew. Juncker qed jittama li l-koalizzjoni twassal biex Merkel tibqa’ l-kaptan li tmexxi l-politika Ewropea.
L-ISTESS ŻARBUN GĦAL MALTA
Read MoreL-EWWEL INTOPPI GĦALL-FUTUR TAL-EWROPA
Read MoreIL-KATALONJA FIL-LIMBU
Read MoreMITT NEGOZJU BRITANNIKU JITOLBU TRANŻIZZJONI SA TLIET SNIN WARA L-BREXIT
Read MoreL-EWWEL KONKLUŻJONIJIET DWAR IT-TURKIJA GĦAL NOFS OTTUBRU
Read MoreBUDAPEST TWIEGĦED BATTALJA POLITIKA U LEGALI
Read MoreTIBDIL FIR-REGOLI TAX-SCHENGEN
Read MoreIL-KE TRID ISSAĦĦAĦ IŻ-ŻONA EWRO
Read More
Post a comment