L-ewwel konklużjonijiet dwar is-sħubija tat-Turkija fl-UE mistennija joħorġu wara s-summit tal-mexxejja tal-istati membri tal-Kunsill tal-UE f’nofs Ottubru. Id-dibattitu dwar it-Turkija għadu jaħraq u r-relazzjonijiet bejn iż-żewġ naħat huma pjuttost bierda.
Il-Kummissarju għan-Negozjati dwar it-Tkabbir tal-UE Johannes Hahn qal li r-relazzjonijiet mat-Turkija qed jaslu f’punt fejn ma jistgħux jitreġġgħu lura. Hahn qal li ġara wisq ksur tal-libertajiet fundamentali tal-bniedem f’dawn l-aħħar snin, anki qabel l-attentat kolp ta’ stat tal-15 ta’ Lulju 2016.
“It-Turkija għadha u se tibqa’ sieħba strateġika għalina – politikament u ekonomikament speċjalment fit-tmexxija tal-enerġija u fil-qasam tal-immigrazzjoni. Imma ma nistgħux nippretendu li qed nemmnuhom li huma impenjati biex jidħlu fl-UE waqt li dak li qed iseħħ f’pajjiżhom jurina mod ieħor. Taħt il-President Erdogan it-Turkija miexja lil hinn mill-Unjoni Ewropea b’passi ta’ ġgant.” qal Hahn.
Hahn qal li l-Unjoni ma għandhiex ixxolji n-negozjati – mossa bħal din ma tmurx ’il bogħod aktar minn imneħirna. Il-Kummissarju qal li hemm interessi strateġiċi u reali komuni bejn it-Turkija u l-UE.
“Il-mistoqsija hija dawn l-interessi għandhom ikunu segwiti f’kuntest ta’ negozjati ta’ dħul, jew f’kuntest differenti – aktar realistiku u ambizzjuż?” staqsa Hahn.
L-ISTESS ŻARBUN GĦAL MALTA
Read MoreL-EWWEL INTOPPI GĦALL-FUTUR TAL-EWROPA
Read MoreIL-KATALONJA FIL-LIMBU
Read MoreMITT NEGOZJU BRITANNIKU JITOLBU TRANŻIZZJONI SA TLIET SNIN WARA L-BREXIT
Read MoreL-EWWEL KONKLUŻJONIJIET DWAR IT-TURKIJA GĦAL NOFS OTTUBRU
Read MoreBUDAPEST TWIEGĦED BATTALJA POLITIKA U LEGALI
Read MoreTIBDIL FIR-REGOLI TAX-SCHENGEN
Read MoreIL-KE TRID ISSAĦĦAĦ IŻ-ŻONA EWRO
Read More
Post a comment