L-INĠENJU TAL-AJRU TAL-FUTUR

L-AIRLANDER huwa l-ikbar inġenju tal-ajru s’issa u huwa twil 302 piedi, wiesa’ 143 pied, u jiżen aktar minn 22 tunnellata. L-Airlander 10 diġa` sewa aktar minn €27 miljun ewro lil kumpanija Ingliża. Il-bini u l-iżvilupp tiegħu ilu għaddej 10 snin, l-ewwel mill-Armata Amerikana u issa, fl-istadji finali, mill-kumpanija Hybrid Air Vehicles. Il-Kumpanija qed tgħid li dan l-inġenju se jkun jista’ jintuża għal għanijiet differenti – kemm għal għassa u s-sorveljanza u kemm għall-passiġġieri.

Għadu mhux magħruf meta l-Airlander se jtir għall-ewwel darba. Għalissa għadhom qed isiru għadd ta’ testijiet fuqu. Meta jitlestew, jekk ikunu ta’ suċċess, għad nisimgħu ħafna aktar b’aħbaru.