Alfred Sant talab formalment lill-Kummissjoni Ewropea biex tikkonsidra li ttawwal iż-żmien tal-implimentazzjoni tad-Direttiva tal-Assigurazzjoni bi tnax-il xahar, skont ix-xewqa tal-industrija Maltija. Dr Sant intervjena f’isem l-‘Assoċjazzjoni Maltija tal-Assigurazzjoni’ li appellat lill-Ewroparlamentari Maltin biex jintervjenu mal-Kummissjoni Ewropea għan-nom tagħhom. Dawn jixtiequ li jitwal iż-żmien tal-implimentazzjoni tal-liġi tal-assigurazzjoni u saħqu li ż-żmien mogħti huwa qasir wisq biex issir implimentazzjoni tajba tal-liġi tal-assigurazzjoni li ġiet addottata mill-KE l-ġimgħa l-oħra.
Id-Direttiva tal-Assigurazzjoni għandha l-għan li tistabbilixxi l-kondizzjonijiet neċessarji għal kompetizzjoni ġusta bejn id-distributuri tal-prodotti tal-assigurazzjoni u toħloq aktar opportunitajiet għal negozju fi ħdan il-pajjiżi membri tal-UE.
Dr Alfred Sant kiteb lill-Viċi President tal-KE Valdis Dombrovskis u qallu li huwa ġust u xieraq li l-interessi leġittimi u t-talbiet raġonevoli tal-fornituri tal-assigurazzjoni f’Malta jingħataw widen.
“Dawk kollha fis-settur tal-assigurazzjoni bl-ebda mod m’huma qed jopponu għall-bidliet. Huma jeħtieġu biss aktar żmien. Huwa ta’ importanza kbira li dawn il-bidliet ikunu implimentati b’mod ugwali fl-Ewropa, mingħajr il-ħolqien ta’ diskrepanzi fost kumpaniji differenti u ta’ daqs differenti fl-istati membri. Perijodu ta’ żmien realistiku biss jista’ jaċċerta li l-affarijiet iseħħu b’dan il-mod. Jien konfidenti li se taqbel ma’ din il-proposta mnebbaħ mill-impenn tiegħek favur it-titjib tan-negozji żgħar u medji fl-Ewropa.” Alfred Sant qal lil Valdis Dombrovskis.
L-intervent ta’ Alfred Sant ma’ Dombrovskis ġibed l-attenzjoni ta’ aġenziji tal-aħbarijiet li jsegwu l-aħħar żviluppi fl-Ewropa. L-inizjattiva ta’ Sant tqieset bħala appell minn Malta biex l-Ewropa ma tibqax tlibbes l-istess żarbun lil kulħadd, din id-darba fil-qasam tal-assigurazzjoni.
L-ISTESS ŻARBUN GĦAL MALTA
Read MoreL-EWWEL INTOPPI GĦALL-FUTUR TAL-EWROPA
Read MoreIL-KATALONJA FIL-LIMBU
Read MoreMITT NEGOZJU BRITANNIKU JITOLBU TRANŻIZZJONI SA TLIET SNIN WARA L-BREXIT
Read MoreL-EWWEL KONKLUŻJONIJIET DWAR IT-TURKIJA GĦAL NOFS OTTUBRU
Read MoreBUDAPEST TWIEGĦED BATTALJA POLITIKA U LEGALI
Read MoreTIBDIL FIR-REGOLI TAX-SCHENGEN
Read MoreIL-KE TRID ISSAĦĦAĦ IŻ-ŻONA EWRO
Read More
Post a comment