L-ITALJA NEFQET €6 BILJUN  FUQ L-IMMIGRANTI F’SENTEJN

Il-Gvern Taljan qed jistma li l-għixien u l-integrazzjoni tar-refuġjati se jiswew €3.3 biljun fl-2016. Fl-2015 l-effett fuq il-baġit Taljan kien ta’ €2.6 biljun.

L-Italja hija mitluba tnaqqas id-defiċit tagħha taħt it-3%, skont ir-regoli tal-UE u bħalissa qed tinnegozja mal-Kummissjoni biex tingħata l-flessibilita` minħabba l-ispejjeż li żdiedu kawża tar-refuġjati u minħabba l-implimentazzjoni tar-riformi strutturali.

Sa Marzu 2016, madwar 107,000 immigrant kienu qed jgħixu f’1,800 struttura temporanja fl-Italja. 10,000 immigrant ma kellhomx membri tal-familja magħhom. Dawn iqanqlu sfidi akbar biex jinstabilhom fejn jgħixu, ikollhom superviżjoni u biex jintbagħtu l-iskola. Il-GvernTaljan qal li n-numru ta’ nies li qed jitolbu l-ażil ittripla bejn l-2013 u l-2015. L-applikazzjonijiet telgħu minn 26,000 għal 83,000.