L-ITALJA: PREVIŻJONIJIET REALISTIĊI U KAWTI

L-Italja għamlet previżjonijiet ekonomiċi realistiċi u kawti għat-tliet snin li ġejjin. It-tkabbir se jkun ta’ 1.2% tal-PGD fl-2016, 1.4% fl-2017 u 1.5% fl-2018. L-Italja reġgħet fit-triq tat-tkabbir fl-2015 wara tliet snin ta’ riċessjoni. Id-defiċit pubbliku mistenni li jkun 2.3% tal-PGD fl-2016 u 1.8% fl-2017. Id-dejn pubbliku Taljan, li huwa l-ogħla fil-pajjiżi taż-żona ewro wara l-Greċja, se jinżel minn 132.7% fl-2015 għal 132.4% fl-2016.

Peress li d-defiċit tal-Italja nieżel għal anqas minn 3% tal-PGD kif jisħqu r-regoli tal-UE, l-Italja qed tinnegozja biex ikollha aktar flessibilita`. B’hekk ikun aktar faċli għal dan il-pajjiż biex ikopri n-nefqa marbuta ma’ riformi, investimenti u l-influss tal-immigranti fuq it-territorju Taljan.

Il-Kummissjoni Ewropea mistennija tagħti r-riżultati tagħha dwar l-ekonomija u l-baġit Taljan fix-xahar ta’ Mejju.