L-OKTOBERFEST MAGĦNA

Kuntrarju għal dak li bosta jaħsbu, l-Oktoberfest hija l-kommemorazzjoni taċ-ċelebrazzjonijiet tat-tieġ bejn il-Prinċep Ludwig u l-Prinċipessa Therese von Sachsen-Hildurghausen li tejġu f’Ottubru tal-1810. Dak inhar l-anqas qatra birra ma nxtorbot. Iċ-ċelebrazzjonijiet baqgħu jsiru sena wara l-oħra sakemm saru kif nafuhom illum.

Fl-Oktoberfest tinxtorob l-Oktoberfestbier li hija birra magħmula apposta għall-okkażjoni b’kontenut alkoħoliku ogħla min-normal. Din il-birra, magħmula minn 6 birreriji fi Munich u tiġi servuta fi 13-il tinda kbira. Kull tinda jkollha l-banda tagħha u wieħed jista’ jiekol xi biċċa majjal tajba għad-daqq ħelu tal-mużika.

L-organizzaturi raw kif għamlu biex dan il-festival isir attrazzjoni għal familji permezz ta’ parati, roller coasters u attrazzjonijiet oħra li jogħġbu lit-tfal.

Fil-festival tas-sena l-oħra nxtorbu 6.4 miljun litru ta’ birra. Il-birra tal-Oktoberfest tħalli l-effetti tagħha. Ġew irrapportati nieqsa 1056 passaport, 520 wallet, 320 mobajl, 300 basket, 50 camera, 2 ċrieket tat-tieġ, hearing-aid, sett snien foloz u Segway. Il-festival jagħlaq fl-ewwel ġimgħa ta’ Ottubru.