Id-delegazzjoni tal-Partit Laburista fil-Parlament Ewropew għamlet ħilitha biex il-politika ġdida tas-Soċjalisti u Demokratiċi Ewropej (S&D) fil-Parlament Ewropew tinkludi l-ħarsien tal-interessi tas-sajjieda Maltin u Għawdxin. Il-politika ġdida tal-Grupp S&D se tibda tagħti appoġġ sħiħ lin-negozji tradizzjonali tas-sajd tal-familji jew dawk fejn l-imgħallem ikun ukoll is-sajjied. L-S&D se jenfasizzaw ir-rwol tan-nisa fl-attivitajiet tas-sajd tradizzjonali u l-bżonn li s-settur tas-sajd jiġbed lejh liż-żgħażagħ. Din il-politika ġdida se tibda tindirizza t-tħassib tas-sajjieda tradizzjonali Maltin u Għawdxin li joperaw bħala familja.
Alfred Sant, Kap tad-Delegazzjoni Laburista fil-Parlament Ewropew, qal li l-proposti tas-Soċjalisti Ewropej huma pass żgħir biex nipproteġu l-ħidma tas-sajjieda tradizzjonali f’Malta u f’Għawdex u niżguraw li jkompli l-kontribut tagħhom fl-irħula żgħar minn fejn joperaw. Id-dokument tas-Soċjalisti Ewropej jenfasizza l-ħtieġa ta’ aktar taħriġ għaż-żgħażagħ qabel dawn jidħlu fl-industrija tas-sajd. Jenfasizza wkoll il-bżonn ta’ aktar kontrolli biex l-ibħra ma jiġux imniġġsa speċjalment bi fdalijiet tal-plastik u tniġġis kimiku mill-vapuri.
Dr. Sant qal li l-politika tal-Unjoni Ewropea dwar is-sajd qed tkun skrutinata u diskussa. “Bħall-gruppi politiċi oħra fil-Parlament Ewropew, il-grupp tas-Soċjalisti u Demokratiċi qed iġedded il-politika tas-Sajd. Fl-Ewropa l-konservazzjoni għadha l-prijorita` għas-sajd fil-Mediterran u fl-Atlantiku biex il-qbid żejjed tal-ħut ma jnaqqasx il-popolazzjoni tal-ħut fil-baħar. Iżda waqt li tiġi mħarsa din il-konservazzjoni, għandu jkun żgurat li dan ma jeliminax lis-sajjieda tradizzjonali biex imbagħad igawdu biss in-negozji l-kbar tal-industrija tas-sajd.” saħaq Alfred Sant.
PROĊEDURI KONTRA MIN JIKSER IR-REGOLI EKONOMIĊI
Read More
L-ISTATI MEMBRI TAL-MEDITERRAN DWAR IL-KRIŻIJIET TAL-UE
Read More
L-EWROPA MA TISTAX TFARFAR IL-PROBLEMA TAL-IMMIGRAZZJONI FUQ L-ISTATI Ż-ŻGĦAR TAS-SUD
Read More
IŻ-ŻEJT TAŻ-ŻEBBUĠA TUNEŻIN FL-EWROPA
Read More
L-AJRUPORTI FAVUR IX-XENGEN
Read More
FTEHIM MAL-AWSTRALJA U NEW ZEALAND
Read More
M’HEMMX FLUS BIEX IŻARMAW L-IMPJANTI NUKLEARI
Read More
MIŻURI MONETARJI ĠODDA
Read More
L-EWROPA TEĦTIEĠ INVESTIMENT PUBBLIKU ĠDID
Read More
IL-KLASSI TAN-NOFS ISSIBHA AKTAR DIFFIĊLI
Read More
L-S&D SE TINDIRIZZA T-TĦASSIB TAS-SAJJIEDA MALTIN
Read More
IL-MED GROUP
Read More
ĦAMES PAJJIŻI EWROPEJ FAVORITI MAL-AMERIKANI
Read More
BLA PJAN DWAR L-IMMIGRAZZJONI
Read More
Post a comment