L-UE IĠĠEDDED IS-SANZJONIJIET KONTRA R-RUSSJA

L-Unjoni Ewropea ġeddet is-sanzjonijiet ekonomiċi kontra r-Russja minħabba r-rwol tagħha fil-kunflitt tal-Lvant tal-Ukraina. Il-flotta navali Russa f’Novembru attakkat u kkonfiskat tliet bastimenti Ukreni waqt li kienu f’ibħra internazzjonali fi triqthom lejn il-Baħar l-Iswed.

“L-UE ġeddet is-sanzjonijiet kontra r-Russja għax ma sar l-ebda progress fl-implimentazzjoni tal-ftehim ta’ Minsk,” qal il-President tal-Kunsill tal-UE Donald Tusk.

Is-sanzjonijiet jolqtu l-aktar lil banek u s-settur tal-enerġija. Bdew fis-sajf tal-2014 u minn dak iż-żmien ġew estiżi kull sitt xhur għax ir-Russja baqgħet ma implimentatx ftehim li sar bejn frazzjonijiet differenti Ukreni u l-UE. Il-ftehim kellu l-ħsieb inaqqas l-kunflitt u permezz tiegħu jingħataw lura lil Gvern ta’ Kyiv ċertu żoni Ukreni maħtufa mill-forzi Russi.