L-UKRENI FAVUR IN-NATO U SĦUBIJA FL-UE  

Il-President Ukren Petro Poroshenko qal li fil-ġejjieni qarib fl-Ukraina se jsir referendum li fih il-poplu Ukren jappoġġja d-dħul tal-Ukraina fin-NATO u fl-UE.

“Aħna nimpenjaw ruħna fl-integrazzjoni Ewro-Atlantika u ma għandniex l-iċken dubju li fil-ġejjieni qarib se jsiru r-referenda dwar id-dħul fin-NATO u fl-UE. Jien nemmen li l-poplu Ukren se jappoġġja din l-inizjattiva,” qal il-President Ukren.

“L-appoġġ se jkun simili tar-riżultat li nkiseb fir-referendum ta’ l-1 ta’ Diċembru 1991 dwar l-indipendenza tal-Ukraina li tnaqqax fl-istorja ta’ pajjiżna,” qal Poroshenko.

Il-President Ukren jemmen li l-agħar għadda. Hu qal li nħolqot armata ġdida fl-Ukraina li tiddefendi l-pajjiż mir-Russja, ir-riformi qed ikunu implimentati, il-Ftehim ta’ Assoċjazzjoni mal-UE ġie iffirmat u ratifikat,  tneħħiet il-visa għall-Ukreni mill-UE u l-ftehim tal-Assoċjazzjoni mal-UE beda jaħdem.