L-Unjoni Ewropea m’għandhiex soluzzjonijiet għal Għawdex. Għawdex mhux rikonoxxut mill-UE bħala reġjun, anzi jrid joqgħod għar-regoli tal-kompetizzjoni tal-Unjoni li mhumiex fl-interess tal-gżira Għawdxija. Dan kien il-messaġġ tal-Ewroparlamentari Malti Alfred Sant f’Konferenza dwar l-Iżvilupp ta’ Għawdex fl-Ewropa li matulha kelliema Għawdxin mill-qasam studentesk, kummerċjali u politiku saħqu dwar il-problemi li insularita` doppja qed tħalli fuq l-iżvilupp ta’ Għawdex. Dr Sant qal li Għawdex għandu bżonn Awtorita` Reġjonali li titmexxa fl-interess tal-Għawdxin waqt li tibqa’ tiġbed il-ħin kollu l-ħabel tal-gvern tal-ġurnata.
Dr Sant qal li se jibqa’ jappoġġja kull miżura biex Għawdex jieħu dak li huwa tiegħu u jagħmel tajjeb għall-iżvantaġġi li għandu minħabba l-insularita` doppja. L-Għawdxin ma jistgħux jistennew li l-Unjoni Ewropea se ssolvi l-problemi ta’ Għawdex. Iridu jkunu l-Għawdxin li jsolvu l-problemi tagħhom. Għawdex jonqsu ħtieġa strateġika li jitmexxa bħala reġjun. ‘Kienet f’waqtha ir-riferenza għal Għawdex fil-Budget li jiffoka fuq ir-reġjonalita` tiegħu.’ saħaq Alfred Sant.
Ir-regoli tal-Unjoni Ewropea mhux se jinbidlu la għal Għawdex u lanqas għal gżejjer oħra tal-Unjoni Ewropea. ‘Ir-regoli tal-UE jaħdmu kontra Għawdex u kontra gżejjer oħra fil-periferija tal-Ewropa. L-istess jiġri fi gżejjer oħra bħal Corsica u Sardegna fejn il-popolazzjoni ta’ dawn il-gżejjer għandhom l-istess sfidi li għandha l-gżira Għawdxija. Fil-Parlament Ewropew nisħaq li r-regoli tal-UE dwar il-kompetizzjoni ma jagħmlux sens għal gżejjer bħal Għawdex. Dawn ir-regoli ma jippermettux li l-istat jagħti l-għajnuna għal servizzi ta’ ‘fast ferry’ bejn Għawdex u Malta u bejn il-bqija tal-Mediterran li huwa tant meħtieġ bħalissa għal raġunijiet soċjali u kummerċjali. ‘Irridu nifhmu li dawn ir-regoli mhumiex se jinbidlu u għalhekk iridu jkunu l-Għawdxin li jsibu s-soluzzjonijiet għall-isfidi li għandhom quddiemhom.’
Il-Konferenza ġiet indirizzata wkoll minn Joe Cordina, Maria Dimech u Joe Grech li tkellmu dwar l-isfidi Ewropej ta’ Għawdex fl-oqsma soċjali, politiċi u ekonomiċi.
L-UNJONI EWROPEA M’GĦANDHIEX SOLUZZJONIJIET GĦAL GĦAWDEX
Read MoreIL-BAĠITS TA’ 7 PAJJIŻI TAŻ-ŻONA EWRO FIL-MIRA TAL-KUMMISSJONI
Read More22 MILJUN FQIR FL-EWROPA
Read MoreBDEW JINTUŻAW IL-FONDI GĦAR-REFUĠJATI FIT-TURKIJA
Read MoreIL-PROĠETT TA’ DIFIŻA EWROPEW IŻID IX-XETTIĊIŻMU FL-EWROPA
Read MoreL-GĦAJNUNIET LILL-INDUSTRIJI ŻGĦAR U MEDJI JRIDU JITĦADDMU B’MODI AKTAR EFFETTIV
Read MoreTONQOS IL-PRODUZZJONI TAL-INBID EWROPEW
Read MoreL-INĠENJU TAL-AJRU TAL-FUTUR
Read More
Post a comment