LARA COMI AKKUŻATA B’TANĠENTI FL-ITALJA

Lara Comi, l-MEP Taljana ta’ Forza Italia tinsab akkużata bit-tanġenti u b’korruzzjoni fl-Italja. Comi hija ħabiba kbira ta’ David Casa, tappoġġjah u tatu endorsement għall-elezzjonijiet Ewropej. Comi kienet tieħu r-ritratti ta’ Casa jitkellem kontra Malta fil-Parlament Ewropew.

David Casa kien ġab lil Lara Comi Malta biex titkellem dwar is-saltna tad-dritt u kontinwament kien juża l-endorsements tagħha fuq il-midja soċjali.

Lara Comi daħlet fi skandlu serju u li fih diġa` ġew arrestati 43 persuna. Lara Comi issemmiet f’konverżazzjonijiet li għandha l-pulizija Taljana dwar tpartit ta’ ħatriet u konsulenzi li jlaħħqu flejjes kbar. Fl-imgħoddi Comi kienet maqbuda wkoll fi skandlu ta’ ħlasijiet ta’ flejjes Ewropej.

Kien Alfred Sant fil-programm XARABANK li żvela l-ħbiberija ta’ Casa ma’ Comi li saħansitra ħaditlu r-ritratti meta kien qed jitkellem kontra Malta fil-Parlament Ewropew.

“Kif jista’ jkun kredibbli David Casa meta l-ħbieb tiegħu fil-Parlament Ewropew huma korrotti u akkużati bil-korruzzjoni.  Bħal seħbitu Lara Comi, David Casa qed iqarraq – ivvota favur ir-riżoluzzjoni dwar it-taxxi kif emendata – ivvota favur it-taxxi għal kulħadd l-istess. Dik hija ir-realtà.” staqsa Afred Sant.

Wara snin jinqeda fuq il-midja soċjali bil-ħabiba tiegħu Comi u jixxena biha f’Malta, David Casa neħħa l-endorsment ta’ Comi minn fuq il-midja soċjali.