Il-President tal-Istati Uniti Donald Trump qed jhedded li jimponi taxxa fuq l-importazzjoni tal-karozzi mill-Unjoni Ewropea. Trump qal li pajjiżi oħra ilhom snin jieħdu vantaġġ minn pajjiżu bis-saħħa ta’ ftehimijiet kummerċjali ‘stupidi ħafna’. Il-President wiegħed ukoll li jimponi tariffi fuq l-importazzjoni tal-azzar u l-aluminju li ġej mill-UE. Dan qanqal il-kritika tal-Organizzazzjoni Dinjija tal-Kummerċ u tal-Fond Monetarju Internazzjonali.
Bħala ritaljazzjoni uffiċċjali, l-UE qed tikkonsidra 25% żieda fuq prodotti importati mill-Istati Uniti. Id-ditta tal-jeans Levi’s, il-muturi tal-Harley-Davidson u l-Bourbon whisky jkunu milquta.
“Jekk l-UE trid iżżid aktar t-tariffi fuq il-kumpaniji tal-Istati Uniti li qed jagħmlu l-kummerċ hemmhekk, aħna sempliċiment napplikaw taxxa fuq il-karozzi Ewropej li jidħlu qisu xejn m’hu xejn fl-Istati Uniti. Għandna żbilanċ kummerċjali kbir.” qal Trump.
Trump qal li huwa impossibbli biex karozzi Amerikani jinbiegħu fl-Ewropa bħalissa.
Il-President Amerikan stqarr li pajjiżu għandu $800 Biljun Dollaru ta’ żbilanċ kummerċjali.
“L-impjiegi u l-ġid tagħna qed jingħataw lil pajjiżi oħra li ħadu vantaġġ minnha għal snin sħaħ. Jidħku għal kemm kienu boloh il-mexxejja tagħna. Issa daqshekk!”
L-ikbar suq tal-esportazzjoni għall-karozzi Ewropej huwa dak tal-Istati Uniti (25% tal-karozzi esportati). It-tieni l-akbar suq huwa dak Ċiniż (16%).
L-ikbar esportatriċi tal-karozzi Ewropej hija l-Ġermanja. Dan ifisser li tariffi ġodda fuq l-industrija tal-karozzi se jolqtu aktar lilha. Produtturi tal-karozzi Ġermaniżi jgħidu li mijiet ta’ eluf ta’ karozzi jinbnew fl-Istati Uniti wkoll – u jipprovdu ħafna impjiegi lil persuni fl-Istati Uniti.
MALTA M’GĦANDHIEX IĠĠORR PIŻIJIET ŻEJDA TAL-POLITIKA TAD-DIFIŻA TAL-UE
Read More
LEJN GWERRA KUMMERĊJALI
Read More
IL-PARLAMENT EWROPEW IĦADDAN IL-BIDLA F’GĦAWDEX
Read More
€150 MILJUN GĦAR-RITORN TAL-IMMIGRANTI
Read More
MITEJN SENA BIEX L-ISTATI BALKANI JLAĦĦQU MAL-UE
Read More
L-AWSTRIJA KONTRA IMPJANT NUKLEARI F’BUDAPEST
Read More
PROPOSTI ĠODDA DWAR TASSAZZJONI FL-UE PERIKOLUŻI GĦAL MALTA
Read More
470, 000 PERSUNA FIS-SENA BIL-KANĊER TAL-MUSRANA L-KBIRA FL-EWROPA
Read More
Post a comment