Il-President Franċiż Emmanuel Macron qal li l-Ewropa għandha tikkritika lir-Russja u lit-Turkija, iżda għandha tevita li tagħtihom daharha. F’diskors fil-Qorti Ewropea tad-Drittijiet tal-Bniedem Macron tkellem dwar pajjiżi membri tal-Kunsill tal-Ewropa “li ma jirrispettawx id-drittijiet umani kif mistqarra fil-Konvenzjoni Ewropea” meta rrefera għat-Turkija u r-Russja, “iżda hemm pajjiżi oħrajn bħalhom,” qal Macron mingħajr ma elabora.
Macron qal li qed naraw “ir-ritorn ta’ demokraziji illiberali u reġimi awtoritarji” li qed jerġgħu jiġbdu n-nies lejhom tant li jistgħu jinfirxu mal-Ewropa jekk ma tinstabx tweġiba għalihom.
Il-President Franċiż qal li l-konvenzjoni tad-Drittijiet tal-Bniedem tipproteġi 830 miljun ċittadin fil-kontinent Ewropew. Dawk il-pajjiżi li jinjoraw din il-konvenzjoni jħallu l-abitanti tagħhom mingħajr drittijiet fundamentali. X’aktarx Macron kien qed jirreferi għar-Russja, iżda seta’ kien qed jirreferi wkoll għar-Renju Unit li ġieli rrifjuta li jsegwi deċiżjonijiet tal-Qorti Ewropea tad-Drittijiet tal-Bniedem.
Macron saħaq dwar djalogu mar-Russja u t-Turkija.
“Dawn il-pajjiżi għandhom jibqgħu fil-Kunsill tal-Ewropa akkost ta’ kollox. Għandna nikkritikawhom imma mhux nagħlqulhom il-bieb billi nħalluhom barra f’kollox.”
Fid-diskors tiegħu Macron qal li “djalogu magħhom xi kultant ma jkunx pjaċevoli iżda xorta għandu jsir biex tibqa’ miftuħa l-komunikazzjoni.” Għal Macron id-drittijiet tal-bniedem huma ‘universali’ u mhux tal-‘punent’ biss.
Fi Strasburgu Macron tkellem dwar Ewropa ta’ valuri u kompla żied il-fama tiegħu ta’ mexxej ewlieni tal-Ewropa – pożizzjoni li tidher għal qalbu ħafna.
IX-XOQQA F’MOXTHA
Read MoreIL-LUSSEMBURGU KONTRA SANZJONIJIET FUQ TAX HAVENS
Read MoreMACRON: L-EWROPA GĦANDHA TIKKRITIKA LIR-RUSSJA U LIT-TURKIJA, IŻDA MHUX TAGĦTIHOM DAHARHA
Read More€100 MILJUN BIEX JINBIGĦ AKTAR GASS FL-UE
Read MoreRISKJU GĦALL-KREDENZJALI TAL-PARLAMENT EWROPEW
Read MoreARJA AKTAR NADIFA FIL-GŻEJJER TAL-UE
Read MoreIT-TOROQ EWROPEJ DOMINATI MINN VETTURI B’MAGNI DIESEL
Read MoreDELEGAZZJONI TAL-ECON F’LISBONA
Read More
Post a comment