Malta, bħall-pajjiżi tal-periferija tal-Ewropa, mhumiex inklużi fil-proġetti approvati mill-Pjan Juncker. Dawn il-proġetti ttieħdu mill-pajjiżi l-kbar, l-aktar minn Franza, il-Ġermanja, l-Italja, Spanja u r-Renju Unit. Membri tal-Parlament Ewropew esprimew opinjonijiet varji dwar it-tmexxija tat-€315-il biljun tal-Pjan Juncker waqt dibattitu mal-Viċi President tal-Kummissjoni Ewropea Jyrki Katainen.
L-Ewroparlamentari Malti Alfred Sant qal li l-Pjan Juncker qed iżid id-diverġenzi strutturali diġa` eżistenti bejn l-ekonomiji tal-pajjiżi tas-Sud u dawk tal-Ewropa Ċentrali. Dr Sant qal li l-konċentrazzjoni tal-proġetti ttieħdu mill-ekonomiji l-kbar tas-suq wieħed, bil-pajjiżi tas-Sud, reġjuni fil-periferija u pajjiżi b’ekonomiji żgħar prattikament ma jidhru mkien f’dawn il-proġetti. “Wieħed jista’ jistqarr li l-‘Fond Ewropew għall-Investiment Strateġiku’ qed jipprovdi eżempju ta’ kif, taħt l-inizjattiva tal-UE, ir-riżorsi qed ikunu trasferiti mill-periferija għaċ-ċentru tal-Ewropa. Dan qed jenfasizza aktar id-diverġenzi strutturali li diġa` jeżistu fl-Ewropa.”
“Jien wieħed fost dawk diżappuntati bir-riżultati ta’ din l-ewwel sena tal-Pjan ta’ Investiment. Il-ferħ ewforiku tal-Kummissjoni Ewropea għar-riżultat ma jaqbilx mar-realta`. Ma nistgħaġibx li l-affarijiet ġraw b’dan il-mod. Il-pedamenti finanzjarji ta’ dan il-pjan, magħmul mill-fondi ‘tagħna’, huma relattivament insinjifikanti. Dawn il-fondi ġibdu lejhom garanziji li jaqbżu s-somma ta’ 300 biljun ewro flimkien mal-kapital privat. Qed issir ħidma militanti biex ma jintgħażlux proġetti li fis-suq huma kkunsidrati riskjużi jew li jrendu ftit. Ċertu proġetti infrastrutturali li mhumiex riskjużi u li tnidew mill-Fond Ewropew ta’ Investiment, kienu jsiru xorta taħt il-kappa tal-Bank Ewropew ta’ investiment. Bl-istess mod, il-proġetti kkonċentraw f’oqsma strutturali li huma mingħajr riskju. Għalihom, setgħu jinstabu faċilment fondi li mhumiex mill-Pjan ta’ Investiment.” qal Dr Sant.
BIDU IMBARAZZANTI GĦAL UEFA 2016
Read MoreL-ORKESTRA EWROPEA TAŻ-ŻGĦAŻAGĦ SE TIBQA’ DDOQQ
Read MoreTKOMPLI S-SAGA TAL-GLYPHOSATE
Read MoreL-EBDA SAJD TAL-MARLOZZ QRIB TAGĦNA
Read MoreJIŻDIEDU T-TAXXI FL-AJRUPORTI EWROPEJ
Read MoreL-EWROPA TEĦTIEĠ SERVIZZI FINANZJARJI B’SAĦĦITHOM
Read MoreFICO JŻOMM SOD DWAR L-IMMIGRAZZJONI
Read MoreGĦAJNUNA LIT-TUNEŻIJA U LIL-LIBJA
Read MoreL-ECON MAQTUGĦ MIR-REALTAJIET EKONOMIĊI TAL-BLIET U RĦULA EWROPEJ
Read MoreBIEX JAQSMU ANQAS IMMIGRANTI LEJN IL-MEDITERRAN
Read MoreMALTA, BĦAS-SUD TAL-EWROPA, INJORATA FIL-‘PJAN JUNCKER’
Read MoreL-IMMIGRAZZJONI U T-TERRORIŻMU WARA L-VOT TAL-BREXIT
Read MoreX’EFFETT IĦALLI BREXIT FUQ MALTA?
Read More
Post a comment