MALTA TIFFOKA FUQ IS-SUD TAL-MEDITERRAN

Malta bdiet tagħti l-appoġġ tagħha lir-Rappreżentanta Għolja tal-Affarijiet Barranin tal-UE Federica Mogherini favur tisħiħ fir-relazzjonijiet bejn il-pajjiżi ġirien tagħna fis-Sud tal-Mediterran u l-UE. Il-Ministru tal-Affarijiet Barranin George Vella qal li l-Lvant Nofsani u l-Afrika ta’ Fuq mifnija bi kriżijiet fosthom dawk soċjo-ekonomiċi, kunflitti, qgħad fost iż-żgħażagħ, radikalizzazzjoni, degradazzjoni ambjentali u immigrazzjoni. Il-Libja għandha bżonn l-għajnuna u Malta tixtieq tgħin fil-proċess ta’ stabilita` ta’ dan il-pajjiż. Malta tixtieq tgħin ukoll fil-proċess ta’ paċi fil-Lvant Nofsani, u anki fis-Sirja.