L-Italja u l-Ungerija ħabbru li se jħejju Manifest kontra l-Immigrazzjoni li mistennija tintuża bħala pjattaforma fl-Elezzjonijiet tal-Parlament Ewropew f’Mejju tas-sena d-dieħla.
F’Milan iż-żewġ politiċi tal-lemin Matteo Salvini tal-Italja u Victor Orban tal-Ungerija qalu li jaqblu dwar l-ideat tagħhom kontra l-immigrazzjoni, minkejja li ma jaqblux dwar ir-regoli ta’ Dublin dwar l-ażil.
Orban iddeskriva lil Salvini bħala ‘eroj’ u lill-President Franċiż Emmanuel Macron bħala ‘għadu’.
Salvini u Orban mhumiex ġejjin mill-istess familja politika. Salvini huwa favur il-Front Nazzjonali Franċiż u l-Partit ta’ Geert Wilders waqt li Orban huwa msieħeb fil-Partit Popolari Ewropew. Orban qal li jrid jibdel il-PPE minn ġewwa u jipprova jikkonvinċih jimxi mal-ideat tiegħu.
Salvini u Orban qalu li l-għan tagħhom huwa li jgħinu fejn hemm il-problemi bl-immigrazzjoni, iżda mhux li jġibu l-problemi lejn pajjiżhom. “L-Ungerija wriet li tista’ twaqqaf l-immigranti milli jidħlu minn fuq l-art.
“Issa sta għal Salvini li jwaqqaf l-immigranti milli jidħlu bil-baħar. Nittama li l-laqgħa tagħna tibdel id-destin tal-Italja, l-Ungerija u l-kontinent Ewropew.” qal Orban.
“Salvini u Orban jagħmlu sew jiddeskrivuni bħala ‘l-għadu’ jekk dan ifisser li jien kontra n-Nazzjonaliżmu, diskors ta’ mibgħeda u insularita`.” wieġeb il-President Franċiż Macron.
Fl-20 ta’ Settembru jsir summit ‘informali’ tal-UE f’Salzburg. Fit-12 ta’ Settembru Jean-Claude Juncker jagħmel id-diskors annwali fi Strasbourg u jkunu ppreżentati inizjattivi ġodda għall-ħarsien tal-kosti Ewropej.
MANIFEST KONTRA L-IMMIGRAZZJONI
Read More
KRIŻI ISTITUZZJONALI DWAR L-IMMIGRAZZJONI
Read More
IL-ĠERMANJA TRID ID-DESTIN TAGĦHA F’IDEJHA
Read More
ŻWIĠIJIET FOLOZ BIEX JGĦIXU FL-UE
Read More
L-UNGERIJA MA TITMAX LILL-IMMIGRANTI
Read More
L-IRAN GĦADU JISTENNA RISPOSTA MINGĦAND L-UE
Read More
MIBGĦUTA LURA L-MAROKK
Read More
L-UE EQREB LEJN L-AWSTRALJA U NEW ZEALAND
Read More
Post a comment