Il-Prim Ministru Ingliża Theresa May qed tfittex mandat speċifiku biex tinnegozja l-ħruġ tar-Renju Unit mill-UE. May ħasdet lil kulħadd dil-ġimgħa meta ħabbret elezzjoni bikrija għat-8 ta’ Ġunju. Lanqas l-UE ma kienet qed tistenna din id-deċiżjoni, inkluż il-President Donald Tusk. Tusk , li tkellem mal-Prim Ministru May bit-telefon ftit wara li faqqgħet l-aħbar, qal li l-elezzjonijiet fir-Renju Unit mhu se jibdlu xejn mill-pjanijiet tas-27 stat membru li se jiltaqgħu għas-Summit ‘Speċjali’ tal-BREXIT fid-29 ta’ April.
May qalet li minkejja l-BREXIT, fir-Renju Unit żdiedet il-fiduċja ekonomika u kien hemm żjieda fl-għadd ta’ nies jaħdmu. ‘Ma nistgħux inħarsu lura’ qalet May, ‘Irridu Partnership speċjali mal-UE biex nerġgħu niksbu l-kontroll fuq flusna, fuq il-fruntieri tagħna u nagħmlu ftehimiet ma’ ħbieb antiki u ma’ ħbieb ġodda’.
Rebħa għal May tkun tfisser aktar saħħa parlamentari u appoġġ popolari waqt in-negozjati mal-UE. May saħqet li tirrispetta r-rieda tal-poplu Brittanniku fir-Referendum ta’ Ġunju li għadda, minkejja li hi kienet favur li r-Renju Unit jibqa’ fl-UE.
May ħasdet saħansitra lill-kollegi tagħha u l-kummentaturi politiċi li ma kinux qed jistennew din il-mossa. Is-seba’ ġimgħat li ġejjin se jkunu intensivi għal May. Il-kampanja u r-riżultat elettorali se jkun determinanti għall-futur tar-Renju Unit, għall-partiti tal-Oppożizzjoni, speċjalment għall-Partit Laburista Ingliż. Ir-riżultat mistenni wkoll ikollu riperkussjonijiet fuq il-futur tal-Iskozja.
MAY TFITTEX MANDAT B’SAĦĦTU
Read MoreKAPITLU ĠDID FIT-TURKIJA
Read MoreIT-TELLIEQA FRANĊIŻA
Read MoreIŻ-ŻGĦAR JAPPOĠĠJAW LIL MERKEL
Read MoreTAS-SUD IRIDU AKTAR KOEŻJONI SOĊJALI U EKONOMIKA
Read MoreIL-KRIMINALITA` ONLINE PRIJORITA` GĦALL-KUMMISSJONI EWROPEA
Read MoreMANIFATTURA U SERVIZZI B’SAĦĦITHOM FIR-RENJU UNIT
Read MoreM’HEMMX UNJONI EWROPEA MINGĦAJR DIMENSJONI SOĊJALI
Read More
Post a comment