Membri Parlamentari Ewropej minn Sqallija, Sardinja, gżejjer Griegi, Ċipru u Malta qablu li l-Kummissjoni Ewropea għandu jkollha soluzzjonijiet ġodda għall-politika tal-kompetizzjoni u tal-għajnuna tal-istat fl-oqsma tat-trasport, agrikoltura u manifattura biex tagħmel tajjeb għall-iżvantaġġi tal-insularita` tal-ekonomija tal-gżejjer żgħar tal-UE. Dawn saħqu li l-gżejjer żgħar bl-ebda mod ma jheddu l-integrita` tas-suq komuni.
Alfred Sant kien wieħed mill-kelliema ewlenin li indirizza Konferenza dwar l-Istati Gżejjer tal-EU fil-Parlament Ewropew. Lil hinn mid-diskussjoni dwar il-fondi ta’ koeżjoni, Dr Sant qal li rridu niddiskutu wkoll kif ir-regoli tal-għajnuna tal-istat u l-politika tal-kompetizzjoni tal-UE u strutturi oħra, jibdew jirriflettu s-sitwazzjoni tal-ekonomiji tal-gżejjer stati u gżejjer tal-UE. Dan għaliex, dawn ir-regoli jħallu l-implikazzjonijiet fuqna u fuq il-gżejjer tagħna.
Dr Sant tkellem dwar iċ-ċirkostanzi partikolari tal-ekonomija Maltija li tiddependi ħafna fuq is-servizzi finanzjarji, is-settur tal-gaming u t-turiżmu u l-perikli reali li jeżistu jekk l-UE tibda tbiddel ir-regoli tagħha tat-tassazzjoni. Huwa qal li l-politika tal-kompetizzjoni u tal-għajnuna tal-istat, qed ixxekkel lil ċertu gżejjer, fosthom Malta, biex jimxu ’l quddiem.
Il-problemi ta’ Għawdex ma nistgħux nindirizzawhom billi jkollna iktar jew inqas fondi strutturali u ta’ koeżjoni, qal Dr Sant, imma billi niżguraw li Għawdex ikun kompetittiv biex jimxi ’l quddiem.
Dr Sant qal li l-Kummissjoni Ewropea qed turi reżistenza għal dawn l-argumenti. “Ma jixtiqux jiddiskutu dan il-kunċett għax jgħidu li l-fondi strutturali u ta’ koeżjoni huma biżżejjed biex jikkumpensaw għal dawn id-differenzi. Bħal pereżempju fuq il-politika ta’ tassazzjoni…għaliex ma jistax ikollna politika ta’ tassazzjoni li tkun differenti għar-reġjuni li huma gżejjer u għal dawk li huma stati?” staqsa l-Ewroparlamentari Malti.
Membri Parlamentari oħra mill-gżejjer tal-Kroazja, Sardinja, Sqallija, l-gżejjer Griegi u l-Irlanda wkoll saħqu fuq il-problemi ta’ insularita` li jaffettwaw l-ekonomija u s-soċjeta` fil-gżejjer tagħhom.
Segwi l-intervent ta’ Dr Sant fuq din il-link:
https://www.youtube.com/watch?v=5YQerU7zmd0
ATTAKK FUQ L-EWROPA
Read MoreIL-FTEHIM BEJN IT-TURKIJA U L-UE: KEMM SE JKUN EFFETTIV?
Read MoreJAGĦTU DAQQA T’ID LIL GREĊJA
Read MoreMA JIRRISPETTAWX L-OBBLIGI BAĠITARJI TAGĦHOM
Read MoreAKTAR FLESSIBILITA` DWAR IR-RATI TAL-VAT
Read MoreL-UNJONI BANKARJA GĦANDHA TINDIRIZZA IR-REALTAJIET TAL-ISTATI MEMBRI
Read MoreJIŻDIEDU L-IMPJIEGI FL-EWROPA
Read MoreMEĦTIEĠA SOLUZZJONIJIET ĠODDA GĦALL-GŻEJJER ŻGĦAR TAL-UE
Read MoreGĦAWDEX JIXRAQLU TRATTAMENT SPEĊJALI
Read More€200 MILJUN GĦALL-ERITREA
Read MoreX’INHU INTERGROUP?
Read MoreTRADIZZJONIJIET TAL-ĠIMGĦA L-KBIRA
Read More
Post a comment