L-Unjoni Ewropea għamiltha ċara li ma hemmx aktar pjanijiet ħlief dak li jitwaqqaf gvern nazzjonali magħqud fil-Libja. L-UE u l-komunita` internazzjonali qed jagħmlu ħafna pressjoni, permezz tal-Ġnus Magħquda, biex l-Libjani jaslu għall-għaqda kif wiegħdu huma stess. Fil-bidu ta’ Frar issoktaw id-diskussjonijiet fil-Marokk f’tentattiv biex jitwaqqaf gvern nazzjonali magħqud wara li l-ewwel kabinett kien irrifjutat mill-Parlament ta’ Tobruk fil-25 ta’ Jannar.
“Għandi regola sempliċi. Ma nitkellimx dwar Pjan B jekk naħseb li Pjan A se jirnexxi” qalet Federica Mogherini, ir-Rappreżentanta Għolja tal-Affarijiet Barrannin tal-UE f’Amsterdam. Mogherini insistiet li l-formazzjoni ta’ gvern ġdid Libjan hija l-aħjar soluzzjoni fil-ġlieda kontra l-organizzazzjoni terrorista Daesh li dejjem qiegħda tikber fil-pajjiż.
Skont il-Ministru tal-Affarijiet Barranin Franċiż Laurent Fabius, hemm bejn 3,000 u 5,000 terrorist tad-Daesh fil-Libja. Għalhekk jeħtieġ li jkun iffurmat gvern, il-parlament jeħtieġ li japprovah u l-komunita` internazzjonali tagħtih l-appoġġ. B’hekk jikseb Tripli mill-ġdid u jieħu l-kontroll tat-territorju Libjan biex jiġġieled kontra t-terroristi.
Meta l-Parlament Ewropew iddiskuta l-Libja, Dr. Alfred Sant saħaq li jeħtieġ aktar żmien biex il-partijiet kollha jilħqu ftehim bejniethom biex jitwaqqaf Gvern Libjan nazzjonali li jġib l-għaqda u joffri soluzzjonijiet fit-tul. Dan huwa riskju li jrid jittieħed. Kemm jekk l-intenzjonijiet huma ħżiena u kemm jekk tajbin, il-poplu Libjan għandu jitħalla jiddeċiedi l-futur tiegħu.
Dr. Sant wera li ma jaqbel xejn mal-ħsieb li l-Unjoni Ewropea timponi xi sanzjonijiet fuq individwu jew istituzzjonijiet Libjani. ‘Tkun deċiżjoni ħażina jekk fil-preżent ikunu imposti sanzjonijiet kontra dawk li mhux qed iwasslu għall-għaqda. Aktar u aktar jekk dawn isiru indipendentement mis-sistema tal-Ġnus Magħquda. Aġir bħal dan iservi biex iqajjem xrara ta’ suspett fost il-poplu Libjan dwar l-intenzjonijiet Ewropej.
F’laqgħat riċenti tal-S&D , Dr. Sant qal li f’dan il-mument delikat fil-Libja, riżoluzzjoni fil-Parlament Ewropew dwar il-Libja setgħet tkun kontro-produttiva għax dan huwa żmien meta s-silenzju jista’ jiswa d-deheb. “Diskors ewroċentriku u mossi li jistgħu jidhru li qed jagħmlu gvern Libjan ta’ għaqda nazzjonali bħala pupazz tal-gvernijiet barranin jista’ jħalli konsegwenzi perikolużi.”
Segwi d-diskors ta’ Dr. Sant fuq din il-link :
https://www.youtube.com/watch?v=CShcZsuCL04
Malta u l-Unjoni Ewropea NL33
Read More
KULĦADD JAQBILLU, ĦLIEF MALTA
Read More
M’HEMMX PJAN B GĦAL-LIBJA
Read More
L-OGĦLA THEDDIDA F’GĦAXAR SNIN
Read More
KEMM TISWA T-TNEĦĦIJA TAX-XENGEN?
Read More
JONQSU S-SIRJANI, JIŻDIEDU L-IRAQQINI
Read More
IL-POLITIKA TAL-UE DWAR L-AGRIKOLTURA MALTIJA GĦANDHA TKUN IKKONTESTATA FUQ IL-LIVELLI KOLLHA
Read More
GĦANDHOM IŻOMMU L-FLESSIBILITA` LI FADLILHOM
Read More
UĠIGĦ TA’ RAS GĦAL BANK ĊENTRALI EWROPEW
Read More
GĦAWDEX JEĦTIEĠ TRATTAMENT SPEĊJALI
Read More
TA’ MIN JOGĦLA U TA’ MIN JONQOS
Read More
X’INHUMA L-KUMITATI TAL-PARLAMENT EWROPEW?
Read More
X’ILSNA JITGĦALLMU FL-EWROPA?
Read More
Post a comment