PROSPETTI TAJBIN GĦALL-FTEHIM KUMMERĊJALI BEJN L-UE U Ċ-ĊINA

Ftehim ta’ kummerċ bejn l-UE u ċ-Ċina għandu l-potenzjal li joħloq l-impjiegi u jkabbar l-ekonomija tal-Ewropa. Dan ħareġ minn studju li twettaq mill-Assoċjazzjoni tal-Kummerċ Barrani li qed ibassar żjieda tal-PGD ta’ €175 biljun sas-sena 2030, kemm għal UE u kemm għaċ-Ċina. Ftehim ta’ kummerċ ħieles ikabbar l-ekonomija kemm taċ-Ċina (+1.87%) u kemm tal-UE (+0.76%).

L-istudju jbassar li ftehim ta’ kummerċ maċ-Ċina jgħin biex jinżammu 2.5 miljun impjieg fl-Ewropa – li jinkludu 1.1 miljun impjieg fil-Ġermanja u 1.1 miljun fi Franza. Bil-ftehim imorru tajjeb is-setturi tal-makkinarju, il-karozzi u l-makkinarju elettroniku li bħalissa qed iġarrab tariffi qawwija fis-suq Ċiniż.

L-istudju jinnota li l-ftehim jista’ jsir biss jekk iċ-Ċina jirnexxielha timplimenta ċertu riformi. Bħalissa l-UE u ċ-Ċina qegħdin f’taħdidiet biex jintlaħaq qbil li għandu jieħu post il-ftehim li jeżisti bejn l-istati Ewropej u ċ-Ċina u li jiggarantixxi protezzjoni legali għall-investimenti taż-żewġ naħat.