PUTIN FIS-SERBJA

Vladimir Putin sejjaħ għall-istabilita` fil-Balkani, ġurnata wara li akkuża lil Punent li qed tiddistabilizza r-reġjun Balkani permezz ta’ sforzi biex tissaħħaħ is-sħubija fin-NATO.

“Ir-Russja, bħas-Serbja, hija interessata li s-sitwazzjoni fil-Balkani tkun stabbli.” qal Putin waqt konferenza mal-President Serbjan Aleksandar Vučić fis-Serbja.

Ir-Russja akkużat lill-awtoritajiet tal-Kosovo b’passi provokattivi, li jinkludu l-ħolqien ta’ armata, mossa li għal Putin kienet illegali u żiedet it-tensjoni mas-Serbja.

Għalkemm is-Serbja u l-ġirien tagħha jaspiraw għal sħubija sħiħa mal-UE, Belgrad żammet relazzjonijiet tajbin mar-Russja.

Il-Kosovo kienet provinċja tas-Serbja li telqet għal rasha fil-gwerra bejn l-1998-99. Is-Serbja qatt ma aċċettat din il-qasma u r-Russja l-anqas. Fin-Nazzjonijiet Uniti, is-Serbja tuża l-poter tal-veto tagħha biex il-Kosovo ma jsirx parti min-Nazzjonijiet Uniti.

Iż-żjara tal-President Putin ġiet iċċelebrata minn eluf ta’ Serbi permezz ta’ parati kbar fit-toroq.