Vladimir Putin qal lill-President il-ġdid Franċiż li r-Russja u Franza għandhom opinjonijiet differenti dwar l-Ukraina u s-Sirja iżda insista li r-relazzjonijiet Franċiżi-Russi huma aktar sodi minn dan in-nuqqas ta’ qbil. Putin qal li “s-sanzjonijiet kontra r-Russja minħabba l-Ukraina bla ebda mod ma ssolvi l-kriżi.” Din kienet l-ewwel laqgħa ta’ Putin ma’ Emmanuel Macron fil-Palazz ta’ Versailles fejn ġew diskussi il-kunflitti fis-Sirja u fl-Ukraina.
Macron wissa li Franza tirritalja immedjatament f’każ li jintużaw armi kimiċi fis-Sirja u saħaq dwar kooperazzjoni mar-Russja fil-ġlieda kontra l-Isis u anki biex tinstab soluzzjoni diplomatika fil-kunflitt tas-Sirja.
Macron qal li huwa favur bidla demokratika fis-Sirja li tħares l-istat Sirjan. Il-prijorita` ta’ Macron hija l-ġlieda kontra t-terroriżmu permezz ta’ kooperazzjoni mar-Russja li hija favur ir-reġim ta’ Assad.
Il-laqgħa bejn iż-żewġ mexxejja kellha l-għan li tistabilixxi relazzjoni stabbli bejniethom. Ir-Russja allegatament ipprovat tinfluwenza l-kampanja elettorali. Macron ma kienx il-kandidat favorit ta’ Putin tant li stieden lil Marine Pen fil-Kremlin. Macron kellu kliem iebes għal Moska. Macron irrifjuta ġurnalisti tal-gazzetti tal-istat Russu Sputnik u Russia Today, fuq akkużi ta’ tixrid ta’ propaganda Russa u aħbarijiet foloz. Jumejn biss qabel il-vot presidenzjali finali mijiet ta’ emails marbuta mal-kampanja elettorali ta’ Macron inħarġu fil-pubbliku. Analisti tas-sigurta` online qalu li dan kien xogħol gruppi ta’ ħekers Russi. Putin ċaħad kategorikament li ndaħal fl-elezzjonijiet Franċiżi.
PUTIN U MACRON JILTAQGĦU F’VERSAILLES
Read MoreMA JARAWX GĦAJN B’GĦAJN DWAR IR-RUSSJA
Read MoreGŻEJJER U REĠJUNI TAL-UE GĦANDHOM JIĠU EŻENTATI MIR-REGOLI TAL-KOMPETIZZJONI
Read More ENERĠIJA NADIFA FIL-GŻEJJER TAL-UE
Read MoreIL-BANK ĊENTRALI EWROPEW SE JKOMPLI JITFA’ L-FLUS FIS-SUQ
Read MoreL-EWROPEJ IRIDU KOOPERAZZJONI MAT-TURKIJA
Read MoreL-UE TITLOB WAQFIEN MILL-ĠLIED FIL-LIBJA
Read MoreGRAWND TAL-FUTBOL FI BRATISLAVA BL-GĦAJNUNA TAL-ISTAT
Read More
Post a comment