Il-problema fundamentali fi ħdan l-Unjoni Ewropea hija li d-diverġenzi ekonomiċi baqgħu jikbru minkejja li l-Unjoni għandha l-għan ewlieni li tqarreb l-ekonomiji lejn xulxin. Sfortunatament dan juri li għad ma hemmx strumenti ekonomiċi li jaħdmu biex jitnaqqsu d-differenzi bejn in-Nord u s-Sud tal-Ewropa. Politika favur aktar għaqda fl-Unjoni Ewropea taħdem kontra pajjiżi żgħar peress li għad ma hemmx politika li taħdem b’suċċess, kemm fuq livell nazzjonali kif ukoll f’qafas aktar wiesa’, biex jitnaqqsu d-diverġenzi ekonomiċi. ‘Kieku kellna politika ta’ dan it-tip, ikun aktar faċli biex fuq livell nazzjonali l-pajjiżi jaddottaw ir-rakkomandazzjonijiet speċifiċi għal kull pajjiż.’ qal l-Ewroparlemntari Malti Alfred Sant.
Dr Sant kien qed jindirizza lil Kumitat Ekonomiku bħala ‘shadow rapporteur’ għall S&D waqt id-diskussjoni, “European Semester for economic policy coordination: implementation of 2015 priorities” fil-preżenza ta’ rappreżentanti mill-parlamenti nazzjonali.
Dr Sant saħaq li l-konsegwenzi soċjali tar-rakkomandazzjonijiet speċifiċi qed ikunu injorati. Hu qal li saret enfażi kbira wisq fuq ir-riformi tas-suq tax-xogħol, iżda f’ħafna pajjiżi dawn ma rnexxilhomx jagħmlu impatt kbir biżżejjed fuq il-livelli tal-qgħad. Id-drittijiet tal-ħaddiema tnaqqru u taw spinta lix-xogħol prekarju. Ir-riformi tas-suq tax-xogħol ma għandhomx jibqgħu jintużaw bħala l-pilastru ewlieni għar-riformi strutturali. Irid ikun hekk aktar ħidma favur it-tneħħija ta’ monopolji moħbija, restrizzjonijiet fil-burokrazija governattiva, immodernizzar fis-sistemi legali u inċentivi għal dawk li jipproduċu.
Dr Sant spjega kif ħafna drabi r-rakkomandazzjonijiet speċifiċi jkunu bbażati fuq il-kriterju li r-riformi strutturali għandhom impatt awtomatiku fuq l-impjiegi u t-tkabbir. Dan ifisser li jekk il-pajjiżi kollha jirriformaw is-suq tax-xogħol fl-istess waqt, jinħolqu aktar impjiegi u tiżdied id-domanda fi ħdan iż-żona ewro kollha. ‘Dan it-twemmin mhux korrett’. Qal Dr Sant.
Segwi d-diskors ta’ Dr. Sant hawnhekk :
https://www.youtube.com/watch?v=Xq-tA2fZVS0
IS-SAGA TAL-GREĊJA TKOMPLI
Read More
L-IMMIGRAZZJONI L-AKBAR UĠIGĦ TA’ RAS GĦALL-POPLI EWROPEJ
Read More
XETTIKU DWAR IL-‘PROPOSTA TA’ KOMPROMESS’ TAL-UE GĦAT-TTIP
Read More
RAĦĦALA FIL-GŻEJJER TAL-UE L-AGĦAR LI MARRU BL-EMBARGO RUSSU
Read More
€500 MILJUN MHUX BIŻŻEJJED GĦAT-TELF TAL-BDIEWA MIS-SUQ RUSSU
Read More
SUPER MINISTRU TAL-FINANZI GĦAŻ-ŻONA EWRO
Read More
QED JIKBRU D-DIVERĠENZI EKONOMIĊI F’UNJONI LI GĦANDHA L-GĦAN LI TQARREB L-EKONOMIJI LEJN XULXIN’
Read More
€235 MILJUN GĦALL-IŻVILUPP SOĊJO-EKONOMIKU LIL PAJJIŻI TAL-MEDITERRAN
Read More
XAHAR QABEL ELEZZJONI ĠENERALI TIRPILJA L-EKONOMIJA TAL-PORTUGALL
Read More
FRANZA B’EKONOMIJA STAĠNATA FL-AĦĦAR TLIET XHUR
Read More
PAJJIŻI ŻGĦAR ŻVANTAĠĠATI EKONOMIKAMENT GĦANDHOM IKUNU KKUMPENSATI BIL-KOMPETIZZJONI FIT-TAXXA
Read More
X’INU L-OMBUDSMAN EWROPEW?
Read More
700 ĠŻIRA AKTAR MILLI MAĦSUB FL-ESTONJA
Read More
Post a comment