Mariano Rajoy se jipprova jikkonvinċi lil Parlament Spanjol biex jifforma gvern f’dibattitu li se jibda fit-30 ta’ Awwissu , wara t-tieni elezzjoni f’seba’ xhur fi Spanja. Rajoy, il-mexxej tal-Partit Popolari qal ukoll li rnexxielu jiġbed miegħu lill-Partit Ċentrali żgħir Ciudadanos. Flimkien iż-żewġ partiti ma għandhomx biżżejjed siġġijiet biex jiggvernaw u għalhekk Rajoy xorta jeħtieġlu l-appoġġ jew l-astenzjoni ta’ partiti politiċi oħra. Id-dibattitu jista’ jieħu ġranet sħaħ jew itawwal saħansitra għal ħafna ġimgħat.
Rajoy qal li l-ftehim ma’ Ciudadanos huwa pass importanti biex tkun evitata elezzjoni oħra. Iż-żewġ partiti issa mistennija jinnegozjaw qbil fuq ir-riformi leġiżlattivi li qed jitlob il-partit Ciudadanos biex jagħti l-appoġġ tiegħu lil Rajoy.
Min-naħa tiegħu Rajoy qal li bħala turija ta’ rieda tajba diġa` aċċetta pakkett ta’ sitt kundizzjonijiet ippreżentat minn Ciudadanos. Il-kundizzjonijiet jinkludu riforma fil-liġi elettorali u miżuri favur aktar trasparenza u kontra l-korruzzjoni.
Il-Partit Popolari ta’ Rajoy ilu fil-gvern mill-2011, rebaħ l-aħħar elezzjoni f’Ġunju b’137 siġġu, jiġifieri jonqsu 39 siġġu ieħor biex ikollu maġġoranza minn 350 siġġu fil-parlament Spanjol. Il-Partit Soċjalista ġab it-tieni l-akbar ammont ta’ siġġijiet b’85 siġġu. L-alleanza xellugija tal-partit Unidos Podemos ġabet 71 siġġu filwaqt li Ciudadanos ġab 32 siġġu.
Is-Soċjalisti, Unidos Podemos u għadd ta’ partiti żgħar ħafna diġa` qalu li se jivvotaw kontra Rajoy. Dan ifisser li Rajoy aktarx mhux se jitħalla jerġa’ jieħu t-tmun tal-pajjiż. Jekk Rajoy ma jifformax gvern fit-taħdidiet li ġejjin, Spanja tibqa’ miexja mingħajr kaptan fit-tmun u possibilment terġa’ taffaċċja t-tielet elezzjoni ġenerali.
FTIT SUSTANZA F’VENTOTENE
Read More
SE JIRRIFLETTU DWAR IL-FUTUR TAL-EWROPA
Read More
JEKK MHUX MILL-BIEB MIT-TIEQA
Read More
BIEX JAĊĊETTAW L-IMMIGRANTI JRIDU JIĦDULHOM 500,000 ROMA
Read More
L-IMPATT INIZJALI TAL-BREXIT
Read More
RAJOY JIPPROVA JGĦAQQAD GVERN FI SPANJA
Read More
TINSTAB SOLUZZJONI GĦALL-ORKESTRA TAŻ-ŻGĦAŻAGĦ TAL-UE
Read More
XARABANK BLA XUFIER
Read More
Post a comment