Il-ħatra ta’ Jose` Manuel Barroso, ex-President tal-Kummissjoni Ewropea ma’ Goldman Sachs International, ġabet reazzjoni furjuża minn politiċi Ewropej. Il-ħatra qanqlet tħassib ġdid dwar kunflitt ta’ interess li jista’ jinħoloq meta uffiċċjali għolja tal-Kummissjoni Ewropea jingħaqdu mas-settur privat meta jkunu temmew it-terminu tagħhom. Petizzjoni li tnediet mill-ħaddiema tal-Kummissjoni kontra l-ħatra l-ġdida ta’ Barroso fis-settur privat s’issa ġabret 12,000 firma.
Dwar dan l-Ombudsman Ewropew Emily O’Reilly reġgħet talbet emenda fil-kodiċi ta’ etika tal-Kummissarji Ewropej dwar l-impjieg tagħhom mal-privat meta jkun skada t-terminu tagħhom bħala Kummissarji. F’ittra indirizzata lil President tal-Kummissjoni Jean Claude Juncker, O’Reilly qalet li emenda fil-Kodiċi ta’ etika għandha tinkludi penali speċjali f’każijiet fejn jinstab li l-Kummissarji ma jkunux aġixxew b’integrita` meta jkun spiċċa t-terminu tagħhom.
O’Reilly staqsiet lil Juncker hemmx linji gwida għall-impjegati tal-Kummissjoni direttament involuti fin-negozjati dwar il-Brexit. L-Ombudsman Ewropew staqsiet ukoll jekk l-ex-Kummissarju Michel Barnier hux se jkollu taħdidiet ma’ Barroso. Dan għaliex issa Barroso huwa responsabbli għan-negozjati tal-Brexit f’isem Goldman Sachs.
Il-Kummissjoni ġiet mitluba tagħti risposta bil-miktub lil Ombudsman sal-14 ta’ Ottubru. Il-Kummissjoni qed tiddefendi l-kodiċi ta’ etika tagħha. Il-kodiċi huwa fost l-aktar iebes fid-dinja għax il-laqgħat kollha li jsiru ma’ uffiċċjali għolja jitniżżlu f’reġistru pubbliku.
Jose` Manuel Barroso kien il-Prim Ministru tal-Portugall bejn l-2002 u l-2004. Serva bħala President tal-Kummissjoni Ewropea bejn l-2004 u l-2014. Riċentement inħatar chairman u konsulent fil-fergħa internazzjonali tal-Bank ta’ Investiment tal-Istati Uniti Goldman Sachs. Barroso se jkun ibbażat f’Londra biex jagħti l-pariri lil dan il-bank waqt in-negozjati tar-Renju Unit mal-Unjoni Ewropea.
IS-SIGURTA` FUQ QUDDIEM TAL-AĠENDA
Read More
ERDOGAN XKIEL GĦAS-SĦUBIJA TAT-TURKIJA FL-EWROPA
Read More
IR-RENJU UNIT IFITTEX OPPORTUNITAJIET ĠODDA
Read More
ANQAS IMMIGRANTI JASLU L-ITALJA
Read More
MA JAQBLUX DWAR IS-SANZJONIJIET RUSSI
Read More
REAZZJONI FURJUŻA KONTRA BARROSO
Read More
FRANZA KONTRA T-TTIP
Read More
ARINGI FLOK SOTTOMARINI RUSSI
Read More
Post a comment