RELAZZJONIJIET IMDENDLA MAL-IŻVIZZERA

 

Wara erba’ snin ta’ negozjati mal-Iżvizzera l-UE qed twissi li wasal iż-żmien li jintlaħaq qafas regolatorju ġdid bejn iż-żewġ naħat.

In-negozjatur Żvizzeru Roberto Balzaretti stqarr li pajjiżu jixtieq relazzjonijiet tajbin mal-UE iżda qal ukoll li huwa fl-interess ta’ pajjiżu li jiġi ffirmat ftehim li jkun tajjeb.

Iż-żewġ naħat wettqu ħafna xogħol tekniku u rnexxielhom isibu kompromess għal ftehim f’bosta oqsma.  Ġiet diskussa l-għajnuna tal-istat, iżda fadal jintlaħaq qbil fl-oqsma li l-aktar joħolqu diżgwid bejn iż-żewġ naħat fosthom il-qasam tas-suq tax-xogħol u d-dritt tal-ħaddiema Ewropej li jaħdmu fl-Iżvizzera. Dan il-pajjiż ma jridx jinkoraġġixxi ħaddiema Ewropej jaħdmu hemmhekk. Il-Kummissjoni Ewropea ma taqbilx li ħaddiema Ewropej ikunu diskriminati biex isibu xogħol fl-Iżvizzera.

Biex jintlaħaq qbil fin-negozjati,  iż-żewġ naħat jeħtieġ li jċedu f’dak li jemmnu.