Il-Kummissjoni Ewropea ordnat lil kumpanija tal-gass Russa Gazprom biex timxi ma’ numru ta’ regoli bl-għan li tissaħħaħ il-kompetizzjoni fis-suq tal-gass fl-Ewropa ċentrali u dik tal-Lvant.
Gazprom qed tkun akkużata li kisret ir-regoli tal-kompetizzjoni tal-UE u li qed tabbuża mill-pożizzjoni dominanti tagħha fil-Lvant tal-Ewropa u fl-Ewropa Ċentrali. Il-Kummissjoni Ewropea imponiet numru ta’ obbligazzjonijiet għal perijodu ta’ tmien snin sakemm jiġu fi tmiemhom għadd ta’ prattiċi li jmorru kontra l-kompetizzjoni.
“Dawn l-obbligazzjonijiet se jbiddlu drastikament il-mod kif qed topera Gazprom fiċ-Ċentru u l-Lvant tal-Ewropa, għal benefiċċju tal-miljuni ta’ konsumaturi Ewropej li jsaħħnu darhom, li jsajru l-ikel tagħhom u wkoll għal benefiċċju tan-negozji Ewropej li jiddependu mill-produzzjoni tal-gass”, qalet Margrethe Vestager, il-Kummissarju għall-Kompetizzjoni.
Fost bosta miżuri l-Kummissjoni ordnat lil Gazprom biex tneħħi r-restrizzjonijiet li ma jħallux lil bejjiegħa jerġgħu jbigħu l-gass li jixtru minn għandha. Il-Kummissjoni Ewropea ordnat lil Gazprom biex ma tiħux vantaġġ mill-pożizzjoni dominanti tagħha dwar il-kontroll u l-aċċess għall-infrastruttura tal-gass. Il-konsumaturi se jibbenefikaw ukoll minn sistema li tiżgura li l-prezz li qed iħallsu jaqbel ma’ dak li qed jitħallas fil-punent tal-Ewropa.
“Jekk Gazprom ma timxix ma’ dawn l-obbligazzjonijiet, il-konsegwenzi jistgħu jkunu serji”, qalet Vestager. Għalkemm ma sarux sanzjonijiet s’issa, ksur ta’ dawn ir-regoli jfisser multa għal kumpanija Russa.
IL-POPULISTI MA JRIDUX ESPERTI FINANZJARJI JMEXXU L-ITALJA
Read More
JONQSU L-IMMIGRANTI FIL-MEDITERRAN ĊENTRALI, JIŻDIEDU FIL-LVANT
Read More
JIKKONTESTA DIKJARAZZJONI TAL-KUMMISSJONI EWROPEA DWAR MALTA
Read More
ALI KHAMENEI JŻID IL-PRESSJONI FUQ L-EWROPEJ
Read More
IL-BULGARIJA BARRA Ż-ŻONA EWRO
Read More
L-EBDA GARANZIJA DWAR PENSJONIJIET U INSURANCES WARA L-BREXIT
Read More
RESTRIZZJONIJIET FUQ GAZPROM
Read More
FAVUR FINANZJAMENT SOSTENIBBLI GĦALL-INDUSTRIJI ŻGĦAR U MEDJI
Read More
Post a comment