SANZJONIJIET DWAR PONT LI JGĦAQQAD IR-RUSSJA MAL-KRIMEA

L-UE ħabbret sanzjonijiet fuq sitt entitajiet li qed jieħdu sehem fil-bini ta’ Kerch Bridge, pont li jgħaqqad lir-Russja mal-peniżola tal-Krimea.

Fil-15 ta’ Mejju l-UE kkritikat il-ftuħ parzjali ta’ dan il-pont twil 19-il km.

L-entitajiet sanzjonati huma AO ‘Institute Giprostroymost – Saint-Petersburg’, responsabbli mid-disinn tal-pont, Stroygazmontazh Corporation (SGM Group), li kisbu kuntratt pubbliku għal bini tal-pont, u sussidjarju tagħhom Stroygazmontazh Most OOO, u PJSC Mostotrest, li ħadu kuntratt pubbliku għal manutenzjoni tal-pont.

JSC Zaliv Shipyard, li ħadu sehem fil-bini tal-linji ġodda tal-ferrovija għal Kerch Bridge u CJSC VAD, kuntrattur ewlieni għal bini tal-motorway ta’ fuq il-pont u ta’ toroq oħra li jagħtu għal pont ukoll huma suġġetti għas-sanzjonijiet.

Is-sanzjonijiet ifissru iffriżar tal-assi fl-UE, jiġifieri l-assi kollha ta’ dawn il-kumpaniji fl-UE huma ffriżati u persuni u entitajiet Ewropej ma jistgħux jagħtuhom flejjes.

L-UE qalet li bl-aġir tagħhom dawn il-kumpaniji appoġġjaw il-kontroll tar-Russja fuq il-peniżola tal-Krimea li ġiet anniħilata illegalment, aġir li allura jnaqqas mis-sovranita` u l-indipendenza tal-Ukraina.